നിങ്ങളുടെ ഫ്രിഡ്ജ് ഭിത്തിയില്‍ നിന്ന് എത്ര അകലെയാണ്? ഈ തെറ്റുകള്‍ പൊട്ടിത്തെറിക്ക് കാരണമാകും
പലര്‍ക്കുംതണുത്ത വെള്ളമില്ലാതെ ദാഹം ശമിക്കില്ല എന്ന സ്ഥിതിയുമാണ്.
കടുത്ത ചൂട് അനുഭവപ്പെടുന്ന സമയമാണിത്. ചൂട് ഒഴിവാക്കാന്‍ ആളുകള്‍ വീട്ടില്‍ പലതരം ഉപകരണങ്ങള്‍ ഉപയോഗിക്കുന്നു. പലരും വീടുകളില്‍ എസി ധാരാളമായി ഉപയോഗിക്കുന്നു. അതുപോലെ തന്നെ ഫ്രിഡ്ജും ധാരാളം ഉപയോഗിക്കുന്നു. പലര്‍ക്കുംതണുത്ത വെള്ളമില്ലാതെ ദാഹം ശമിക്കില്ല എന്ന സ്ഥിതിയുമാണ്.
കൂടാതെ ഈ വേനല്‍ക്കാലത്ത് ഭക്ഷണ സാധനങ്ങള്‍ വളരെ നേരം പുറത്ത് സൂക്ഷിച്ചാല്‍ അവ കേടാകും. അതുകൊണ്ടാണ് ഫ്രിഡ്ജ് വളരെ പ്രധാനമാകുന്നത്. വീടിന്റെ മുറിയുടെയോ അടുക്കളയുടെയോ ചുമരില്‍ നിന്ന് ഒരു നിശ്ചിത അകലത്തിലാണ് ഫ്രിഡ്ജ് സൂക്ഷിക്കണ്ടേത്. എന്നാല്‍ ഫ്രിഡ്ജ് ഉപയോഗിക്കുമ്പോള്‍ ആളുകള്‍ പലപ്പോഴും അതില്‍ തെറ്റുകള്‍ വരുത്താറുണ്ട്. അതുകൊണ്ടാണ് പലപ്പോഴും ഫ്രിഡ്ജ് പൊട്ടിത്തെറിച്ചുള്ള അപകടങ്ങള്‍ സംഭവിക്കുന്നത്.
വേനല്‍ക്കാലത്ത് ഫ്രിഡ്ജ് ഉപയോഗിക്കുമ്പോള്‍ നമ്മള്‍ ചില കാര്യങ്ങള്‍ ശ്രദ്ധിക്കണം. കാരണം നമ്മുടെ ചെറിയ തെറ്റ് മൂലവും ഫ്രിഡ്ജ് പൊട്ടിത്തെറിച്ചേക്കാം. പല ആളുകള്‍ക്ക് ഇതിനെക്കുറിച്ച് അറിയില്ല. വേനല്‍ക്കാലത്ത് ഫ്രിഡ്ജ് ചുമരില്‍ നിന്ന് എത്ര അകലെയായിരിക്കണം എന്നത് വളരെ പ്രധാനമാണ്. ഫ്രിഡ്ജിന്റെ കംപ്രസ്സറിന് വായു കടന്നുപോകാന്‍ ഇടം ആവശ്യമാണ്. അപ്പോള്‍ വായു കടന്നുപോകാന്‍ കഴിയാതെ വരുമ്പോള്‍ കംപ്രസ്സര്‍ അമിതമായി ചൂടാകുന്നു. ഇതുമൂലം ഫ്രിഡ്ജ് പൊട്ടിത്തെറിക്കാനുള്ള സാധ്യത വര്‍ദ്ധിക്കുന്നു. നിങ്ങളുടെ വീട്ടിലെ ചുമരില്‍ നിന്ന് കുറഞ്ഞത് 15 മുതല്‍ 20 ഇഞ്ച് വരെ ഫ്രിഡ്ജ് അകലെ വയ്ക്കണം.
അതുമാത്രമല്ല, നിങ്ങള്‍ വളരെക്കാലമായി ഫ്രിഡ്ജ് ഉപയോഗിക്കുന്നില്ലെങ്കില്‍. അതായത്, നിങ്ങള്‍ അതില്‍ ഒരു സാധനവും സൂക്ഷിക്കുന്നില്ല, അത് തുറക്കുക പോലുമില്ലെങ്കില്‍ അതില്‍ സാധനങ്ങള്‍ സൂക്ഷിക്കുന്നതിന് മുമ്പോ അതിന്റെ ഡോര്‍ തുറക്കുന്നതിന് മുമ്പോ, പവര്‍ ഓഫ് ചെയ്യുന്നത് ഉറപ്പാക്കുക. ഇത് ഫ്രിഡ്ജ് പൊട്ടിത്തെറിക്കാനുള്ള സാധ്യത കുറയ്ക്കുന്നു. ഇതിനുപുറമെ, ഫ്രിഡ്ജ് എപ്പോഴും വായുസഞ്ചാരമുള്ള സ്ഥലത്ത് സൂക്ഷിക്കുക. അതായത് ഫ്രിഡ്ജ് തുറന്ന സ്ഥലത്ത് വയ്ക്കുന്നതാണ് നല്ലത്.
