2008 നും 2017 നും ഇടയില്‍ ജനിച്ച 15 ദശലക്ഷത്തിലധികം ആളുകള്‍ക്ക് അവരുടെ ജീവിതകാലത്ത് ഗ്യാസ്ട്രിക് ക്യാന്‍സര്‍ വരാനുള്ള സാധ്യതയുണ്ടെന്ന് പഠനം
ചൈനയ്ക്ക് ശേഷം ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്യപ്പെടുന്ന രണ്ടാമത്തെ രാജ്യമായി ഇന്ത്യ മാറുമെന്ന് പഠനത്തില്‍ പറയുന്നു.
2008 നും 2017 നും ഇടയില്‍ ജനിച്ച 15 ദശലക്ഷത്തിലധികം ആളുകള്‍ക്ക് അവരുടെ ജീവിതകാലത്ത് ഗ്യാസ്ട്രിക് ക്യാന്‍സര്‍ വരാനുള്ള സാധ്യതയുണ്ടെന്ന് പുതിയ പഠനം. ചൈനയ്ക്ക് ശേഷം ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്യപ്പെടുന്ന രണ്ടാമത്തെ രാജ്യമായി ഇന്ത്യ മാറുമെന്ന് പഠനത്തില്‍ പറയുന്നു. നേച്ചര്‍ മെഡിസിന്‍ ജേണലില്‍ പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്.
ഇന്റര്‍നാഷണല്‍ ഏജന്‍സി ഫോര്‍ റിസര്‍ച്ച് ഓണ്‍ കാന്‍സര്‍ (IARC), ലോകാരോഗ്യ സംഘടന (WHO) എന്നിവയിലെ ഗവേഷകര്‍ GLOBOCAN 2022 ഡാറ്റാബേസ് ഉപയോഗിച്ച് 185 രാജ്യങ്ങളില്‍ നിന്നുള്ള ഡാറ്റയും ഐക്യരാഷ്ട്രസഭയുടെ ജനസംഖ്യാ ഡാറ്റയില്‍ നിന്നുള്ള ജനസംഖ്യാ, മരണനിരക്ക് കണക്കുകളും വിശകലനം ചെയ്താണ് പഠനം നടത്തിയത്.
ഈ പ്രായത്തിലുള്ള ലോകമെമ്പാടുമുള്ള 15.6 ദശലക്ഷം ആളുകള്‍ക്ക് അവരുടെ ജീവിതകാലത്ത് ഗ്യാസ്ട്രിക് കാന്‍സര്‍ വരാമെന്ന് പഠനം കണക്കാക്കുന്നു. ഇതില്‍ 76 ശതമാനം കേസുകളും ഹെലിക്കോബാക്റ്റര്‍ പൈലോറി എന്ന സാധാരണ വയറ്റിലെ ബാക്ടീരിയയുമായി ബന്ധപ്പെട്ടിരിക്കുന്നു. ഈ ബാക്ടീരിയ അണുബാധയാണ് ഗ്യാസ്ട്രിക് കാന്‍സറിനുള്ള പ്രധാന കാരണമെന്ന് ഗവേഷകര്‍ പറയുന്നു.
ആമാശയ കാന്‍സറിന്റെ സാധാരണ ലക്ഷണങ്ങള്‍:
-സ്ഥിരമായ ദഹനക്കേട് അല്ലെങ്കില്‍ നെഞ്ചെരിച്ചില്‍
-വിശപ്പ് കുറയല്‍ അല്ലെങ്കില്‍ വേഗത്തില്‍ വയറു നിറയുന്നത് പോലെ തോന്നല്‍
-വിശപ്പ് കുറയല്‍
-ഓക്കാനം അല്ലെങ്കില്‍ ഛര്‍ദ്ദി
-പ്രത്യേകിച്ച് ഭക്ഷണത്തിനുശേഷം വയറുവേദന
-ക്ഷീണം അല്ലെങ്കില്‍ ബലഹീനത
-ചില സന്ദര്‍ഭങ്ങളില്‍, മലത്തിലോ ഛര്‍ദ്ദിയിലോ രക്തം
