പെട്ടെന്ന് ദേഷ്യം വരുന്ന സ്വഭാവക്കാരാണോ നിങ്ങള്‍ ? എന്നാല്‍ പെട്ടെന്ന് വരുന്ന ദേഷ്യം ഒരു പരിധിവരെ നിയന്ത്രിച്ച് നിര്‍ത്താന്‍ ആകും.
ദേഷ്യം വരുമ്പോള്‍ തന്നെ അത് മാറ്റാന്‍ ഒരു എളുപ്പ വഴിയുണ്ട്. പത്തില്‍ നിന്ന് താഴേക്ക് മനസ്സില്‍ എണ്ണുകയാണ് ചെയ്യേണ്ടത്. ഇതോടെ ദേഷ്യത്തോടെ പെരുമാറേണ്ട സാഹചര്യത്തില്‍ നിന്ന് ഒഴിവാക്കുകയും സാഹചര്യം മനസ്സിലാക്കി സമചിത്തതയോടെ സംസാരിക്കാനും ആകും. ആഴത്തിലുള്ള ശ്വസനം ശരീരത്തെയും മനസ്സിനെയും ശാന്തമാകും. ആഴത്തില്‍ ശ്വസിക്കുന്ന വ്യായാമങ്ങള്‍ ചെയ്യുന്നതും നല്ലതാണ്.
ദേഷ്യം ഉണ്ടാകാന്‍ സാധ്യതയുള്ള സാഹചര്യത്തില്‍ നിന്ന് മാറി നില്‍ക്കാനും ശ്രദ്ധിക്കണം. ദേഷ്യം കുറയ്ക്കുന്നതിന് വ്യായാമം ചെയ്യുന്നതും നല്ലതാണ്. ഇതിലൂടെ മാനസിക പിരിമുറുക്കം ഒഴിവായി കിട്ടും.
കാര്യങ്ങള്‍ വ്യക്തതയോടെയും കൃത്യമായും പറയാന്‍ ശീലിക്കുകയാണെങ്കില്‍ തെറ്റിദ്ധാരണകള്‍ ഒഴിവാക്കാനും ദേഷ്യം വരുന്നത് കുറയ്ക്കാനും സാധിക്കും. മാനസിക സമ്മര്‍ദ്ദങ്ങളും ഉത്കണ്ഠ കുറയ്ക്കുന്നതിനായി യോഗ, ധ്യാനം എന്നിവ ചെയ്യുന്നത് നല്ലതാണ്. രാത്രിയില്‍ ഏഴു മുതല്‍ 8 മണിക്കൂര്‍ ഉറങ്ങുന്നതും നിങ്ങളുടെ മാനസിക ആരോഗ്യത്തിന് നല്ലതാണ്. ദേഷ്യം കുറയ്ക്കാന്‍ കഴിയുന്നില്ലെന്ന് തോന്നുകയാണെങ്കില്‍ ഒരു തെറാപ്പിസ്റ്റിന്റെ സഹായം തേടാം.
