Webdunia - Bharat's app for daily news and videos

Install App

യൂറോപ്പിൽ പടർന്ന് പിടിച്ച് കൊവിഡ് 19: ഫ്രാൻസ് അടച്ചുപൂട്ടി, സ്പൈയിനിൽ അടിയന്തരാവസ്ഥ, ഇറ്റലിയിൽ 24 മണിക്കൂറിൽ 368 മരണം

അഭിറാം മനോഹർ
തിങ്കള്‍, 16 മാര്‍ച്ച് 2020 (09:10 IST)
യൂറോപ്പിലാകമാനം കൊറോണ വൈറസ് വ്യാപിക്കുന്നു. കൊറോണ ഏറ്റവും ഭീതി പരത്തിയ ഇറ്റലിക്ക് പുറമെ സ്പൈയിനിലും ഫ്രാൻസിലും രോഗബാധ വ്യാപകമായി. ഇറ്റലിക്ക് പുറകെ ഫ്രാൻസിലും സ്പൈയിനിലും ജനജീവിതം നിശ്ചലമാണ്. സിനിമാശാലകളും ഭക്ഷണശാലകളുമടക്കം എല്ലാ സ്ഥാപനങ്ങളും അടച്ചിട്ടിരിക്കുകയാണ്.സമീപകാലത്തൊന്നും അനുക്വിച്ചിട്ടില്ലാത്ത പ്രതിസന്ധിയാണ് യൂറോപ്പ് ഇപ്പോൾ നേരിടുന്നത്.ഇറ്റലിയിൽ 368 പേരും സ്പെയിനിൽ 97 പേരും ഫ്രാൻസിൽ 29 പേരും ഇന്നലെ മാത്രം മരിച്ചു. ഇത്രയും പേർക്ക് 24 മണിക്കൂറിനുള്ളിൽ ജീവൻ നഷ്ടപ്പെടുന്നത് ഇതാദ്യമായാണ്.
 
ഇറ്റലിയിൽ രോഗബാധിതർ 20 % വർധിച്ച് 24,747 ആയി.ഇറ്റലിക്ക് ശേഷം യൂറോപ്പിൽ ഏറ്റവും കൂടുതൽ പേർക്ക് രോഗം ബാധിച്ചിരിക്കുന്നത് സ്പൈനിലാണ്. അടിയന്തിരാവസ്ഥ പ്രഖ്യാപിക്കപ്പെട്ട സ്പൈയിനിൽ ഇതുവരെയും 291 പേർ മരിച്ചു.6,250 പേർക്ക് രോഗം സ്ഥിരീകരിച്ചിട്ടുണ്ട്. ഇറാനിൽ ഇന്നലെ 113 മരണം സംഭവിച്ചപ്പോൾ മന്ത്രിമാർ എംപിമാർ തുടങ്ങിയവരടക്കമുള്ള പ്രമുഖർക്കും രോഗം സ്ഥിരീകരിച്ചു.
 
ഉസ്ബക്കിസ്ഥാനിൽ ആദ്യമായി രോഗം സ്ഥിരീകരിച്ചതോടെ അതിർത്തി അടച്ചു.ഡെന്മാർക്കും പോളണ്ടും അതിർത്തി അടച്ചു.ഫിലിപ്പീൻസ് തലസ്ഥാനമായ മനിലയിലേക്കുള്ള പ്രവേശനം നിരോധിച്ചിട്ടുണ്ട്.ജറുസലമിലെ അൽ അഖ്സ പള്ളി അടച്ചു. എന്നാൽ പള്ളിക്ക് പുറത്തുള്ള പ്രാർത്ഥനക്ക് അനുമതിയുണ്ട്.കൂടുതൽ രോഗബാധിതരെ സ്ഥിരീകരിച്ചതോടെ പോർച്ചുഗൽ സ്പയിനുമായുള്ള അതിർത്തി അടച്ചു. ജർമനി, ഫ്രാൻസ്, ഓസ്ട്രിയ ഡെൻമാർക്ക് ലക്സംബർഗ് അതിർത്തികളിൽ ശക്തമായ യാത്രാനിയന്ത്രണങ്ങൾ ഏർപ്പെടുത്തിയിട്ടുണ്ട്. രോഗത്തെ തുടർന്ന് ഒട്ടുമിക്ക യൂറോപ്യൻ രാജ്യങ്ങളും സ്കൂളുകൾക്ക് അവധി പ്രഖ്യാപിച്ചിട്ടുണ്ട്.

അനുബന്ധ വാര്‍ത്തകള്‍

വായിക്കുക

ധൂർത്തടിക്കാനും മത്സരിക്കാനും നിന്നില്ല, ലളിതമായ ചടങ്ങിൽ വിവാഹിതനായി അദാനിയുടെ മകൻ ജീത്, 10,000 കോടി സാമൂഹ്യസേവനത്തിന്

'100 കോടി നേടിയ സിനിമയില്ല, എല്ലാം വീരവാദം മാത്രം! സത്യം പറയാന്‍ നിര്‍മാതാക്കള്‍ക്ക് പേടി': 100 കോടി ക്ലബ്ബും പോസ്റ്ററും എല്ലാം വെറുതെയെന്ന് സുരേഷ് കുമാർ

ലൈംഗിക ന്യൂനപക്ഷങ്ങളെ അവഹേളിക്കുന്നു; വിനീത് ശ്രീനിവാസന്റെ 'ഒരു ജാതി ജാതകം' സിനിമയ്‌ക്കെതിരായ ഹര്‍ജി ഹൈക്കോടതി സ്വീകരിച്ചു

ഗ്രീഷ്മയെ ഒക്കെ സ്‌പോട്ടിൽ കൊല്ലണം, ജയിലിൽ ഇട്ട് വലുതാക്കി തടി വയ്പ്പിച്ചിട്ട് കാര്യമില്ല: പ്രിയങ്ക

അപ്പോൾ ഒന്നുറപ്പിക്കാം, എമ്പുരാനിൽ അബ്രാം ഖുറേഷി മാത്രമല്ല, സ്റ്റീഫനുമുണ്ട്! എമ്പുരാൻ ക്യാരക്ടർ പോസ്റ്റർ

എല്ലാം കാണുക

ഏറ്റവും പുതിയത്

സൈനിക വാഹനത്തില്‍ നാടുകടത്തുന്നത് അമേരിക്ക നിര്‍ത്തി; ഇന്ത്യയിലേക്ക് വരാന്‍ മാത്രം ചെലവായത് 78.36 കോടി രൂപ

ലാഭം കുറഞ്ഞു, ഡിഎച്ച്എൽ ഈ വർഷം 8000 ജീവനക്കാരെ പിരിച്ചുവിടുന്നു

നിങ്ങളുടെ സുഹൃത്തിനെ വിളിച്ചു, പക്ഷേ ലൈനില്‍ മറ്റാരുടെയോ ശബ്ദം കേട്ടോ? പുതിയ സൈബര്‍ തട്ടിപ്പ് ഇങ്ങനെ

ചോദ്യപേപ്പർ ചോർച്ച: എം എസ് സൊല്യൂഷൻസ് സിഇഒ മുഹമ്മദ് ഷുഹൈബ് കീഴടങ്ങി

പിആര്‍ വര്‍ക്ക് കൊണ്ട് വീണ്ടും അധികാരത്തില്‍ വരാമെന്ന് പിണറായി കരുതേണ്ട: കെ മരളീധരന്‍

അടുത്ത ലേഖനം
Show comments