Select Your Language

Notifications

webdunia
webdunia
webdunia
webdunia

രോഗം സ്ഥിരീകരിച്ച ബിട്ടൻ സ്വദേശിയെ ഐസൊലേഷനിൽ പ്രവേശിപ്പിച്ചു വിമാനം മറ്റു യാത്രക്കാരുമായി പുറപ്പെട്ടു

webdunia
ഞായര്‍, 15 മാര്‍ച്ച് 2020 (14:13 IST)
കൊച്ചി: കോവിഡ് 19 ബാധ സ്ഥിരീകരിച്ച യുകെ സ്വദേശിയെ എറണാകുളം മെഡിക്കൽ കോളേജിലെ ഐസൊലേഷനിൽ പ്രവേശിപ്പിച്ചു. ഇയാളുടെ ഭാര്യയെയും ഐസൊലേഷനിൽ പ്രവേശിപ്പിച്ചിട്ടുണ്ട്. ഇരുവരുടെയും ആരോഗ്യ നിലയിൽ പ്രശ്നങ്ങൾ ഇല്ല എന്നാണ് ആരോഗ്യ വകുപ്പ് വ്യക്തമാക്കുന്നത്.  
 
അതേസമയം രോഗ ബധിതൻ ഉൾപ്പടെയുള്ള പത്തൊൻപതംഗ സംഘത്തെ ഒഴിവാക്കി ഇവർ കയറിയ വിമാനം കൊച്ചിയിൽനിന്നും യാത്ര പുറപ്പെട്ടു. രോഗബാധിതൻ വിമാനത്തിൽ കയറിയതോടെ എല്ലാ യാത്രക്കാരെയും വിമാനത്തിൽനിന്നും പുറത്തിറക്കി എന്നായിരുന്നു ആദ്യം പുറത്തുവന്ന വിവരം എന്നാൽ ഇത് ശരിയല്ല എന്ന് സിയാൽ അധികൃതർ പിന്നീട് വ്യക്തമാക്കുകയായിരുന്നു. 
 
വിമാനത്താവളം അടച്ചിടേണ്ട സാഹചര്യമില്ല എന്ന് സിയാൽ അധികൃതർ വ്യക്തമാക്കി. 
മറ്റുള്ള യാത്രക്കാരെ കൊണ്ടുപോകാൻ വിമാന കമ്പനി തയ്യാറാവുകയായിരുന്നു. ഒരു യാത്രക്കാരൻ സ്വമേധയാ യാത്ര തുടരുന്നതിൽനിന്നും വിട്ടുനിന്നു. രോഗ ബാധിതൻ പോയ വഴികളും വിമാനത്താവളവും അണുവിമുക്തമാക്കുന്ന നടപടികൾ പൂർത്തിയാക്കി. സംഭവത്തിൽ ഭയപ്പെടേണ്ട സാഹചര്യമില്ല എന്ന് ആരോഗ്യമന്ത്രി വ്യക്തമാക്കി. 

Share this Story:

Follow Webdunia Hindi

അടുത്ത ലേഖനം

മൂന്നാറിലെ കെടി‌ഡിസി ഹോട്ടലിലെ എല്ലാവരെയും നിരീക്ഷണത്തിലാക്കി, റൂട്ട്മാപ്പ് തയ്യാറാക്കാൻ അധികൃതർ