പ്രധാനമന്ത്രി നരേന്ദ്രമോദിക്ക് ഫ്രഞ്ച് പ്രസിഡന്റിന്റെ ഹിന്ദിയിലുള്ള ട്വീറ്റ്. നമസ്‌തേ പ്രിയ ഭായി, പ്രിയ മിത്ര് എന്നാണ് ഫ്രഞ്ച് പ്രസിഡന്റ് ഇമ്മാനുവേല്‍ മാക്രോണ്‍ ട്വീറ്റ് ചെയ്തത്. ഇന്തോ-പസഫിക് മേഖലയിലെ സഹകരണ സാധ്യതകള്‍ സംബന്ധിച്ച് ഇരുനേതാക്കളും ചര്‍ച്ച നടത്തിയിരുന്നു. ഇതിനുപിന്നാലെയാണ് മാക്രോണിന്റെ ട്വീറ്റ് വരുന്നത്.
അതേസമയം മാക്രോണിന്റെ ട്വീറ്റ് പങ്കുവച്ച് ഇരുവരും ചര്‍ച്ചനടത്തിയതായി പ്രധാനമന്ത്രി മോദിയും ട്വീറ്റ് ചെയ്തു. ഇരുവരും അഫ്ഗാന്‍ വിഷയവും ചര്‍ച്ച ചെയ്തതായാണ് വിവരം.
