ബ്രിട്ടൻ നയതന്ത്ര ഉത്തരവാദിത്വം കാണിക്കണം, ജയശങ്കറിന് നേർക്കുണ്ടായ അക്രമണശ്രമത്തിൽ പ്രതിഷേധം അറിയിച്ച് ഇന്ത്യ

വിദേശകാര്യ മന്ത്രി എസ് ജയശങ്കറിന് നേരെ ബ്രിട്ടനില്‍ വെച്ച് നടന്ന ഖലിസ്ഥാന്‍ വിഘടനവാദികളുടെ ആക്രമണശ്രമത്തെ അപലപിച്ച് ഇന്ത്യന്‍ വിദേശകാര്യ മന്ത്രാലയം. വിഷയത്തില്‍ യുകെ അവരുടെ നയതന്ത്ര ഉത്തരവാദിത്വം പാലിക്കുമെന്നാണ് പ്രതീക്ഷിക്കുന്നതെന്ന് ഇന്ത്യ വ്യക്തമാക്കി.

വിദേശകാര്യമന്ത്രിയുടെ യുകെ സന്ദര്‍ശന സമയത്ത് സുരക്ഷാലംഘനം നടന്നതിന്റെ ദൃശ്യങ്ങള്‍ ഞങ്ങള്‍ കണ്ടു. വിഘടനവാദികളും തീവ്രവാദികളുമടങ്ങിയ ഒരു ചെറിയ സംഘത്തിന്റെ പ്രകോപനപരമായ ഈ പ്രവര്‍ത്തിയെ അപലപിക്കുന്നു. ജനാധിപത്യ സ്വാതന്ത്രങ്ങളുടെ ലംഘനമാണ് അവിടെയുണ്ടായത്. ഇതിനെ മന്ത്രാലയം അപലപിക്കുന്നു. ബ്രിട്ടന്‍ നയതന്ത്ര ഉത്തരവാദിത്വം പാലിക്കുമെന്ന് പ്രതീക്ഷിക്കുന്നു. ഇന്ത്യന്‍ വിദേശകാര്യമന്ത്രാലയം ഇറക്കിയ വിയോജനക്കുറിപ്പില്‍ പറയുന്നു.