ഒരിടവേളയ്ക്ക് ശേഷം വിവിധ രാജ്യങ്ങളില്‍ വീണ്ടും കൊവിഡ് കേസുകള്‍ വര്‍ധിക്കുന്നു. തെക്ക് - കിഴക്കന്‍ ഏഷ്യന്‍ രാജ്യങ്ങളിലാണ് കൊവിഡ് കേസുകള്‍ ഉയരുന്നത്. ഹോങ്കോങ്, സിംഗപൂര്‍, ചൈന, തായ്ലന്‍ഡ് എന്നീ രാജ്യങ്ങളിലാണ് കൊവിഡ് കേസുകള്‍ ഉയരുന്നതെന്ന് റിപ്പോര്‍ട്ടുകള്‍ പറയുന്നു.
സിംഗപൂരില്‍ കഴിഞ്ഞ വര്‍ഷത്തെ അപേക്ഷിച്ച് കൊവിഡ് കേസുകളില്‍ 28 ശതമാനം വര്‍ധനയാണ് ഉണ്ടായത്. മെയ് 3 വരെ 14,200 കേസുകളാണ് റിപ്പോര്‍ട്ട് ചെയ്തത്. ഏഷ്യയില്‍ ഉടനീളം പടരുന്ന പുതിയ വൈറസിന്റെ പുതിയ തരംഗമാണ് ഇതെന്നാണ് വിലയിരുത്തുന്നത്. നിലവില്‍ JN.1' വേരിയന്റിന്റെ പിന്‍ഗാമികളായ 'LF.7' ഉം 'NB.1.8' ഉം ആണ് സിംഗപ്പൂരില്‍ പടരുന്ന പ്രധാന കോവിഡ് വൈറസിന്റെ വകഭേദങ്ങള്‍.
