Donald trump- Ali khamenei
ഇറാന്‍ പരമോന്നത നേതാവ് ആയത്തുള്ള അല്‍ ഖമൈനിയെ വധിക്കാനുള്ള ഇസ്രായേലിന്റെ പദ്ധതി യു എസ് പ്രസിഡന്റ് ഡൊണാള്‍ഡ് ട്രംപ് ഇടപെട്ട് തടഞ്ഞതായി റിപ്പോര്‍ട്ട്. 2 യു എസ് ഉദ്യോഗസ്ഥരെ ഉദ്ധരിച്ച് അന്താരാഷ്ട്ര വാര്‍ത്താ ഏജന്‍സിയായ റോയിട്ടേഴ്‌സാണ് ഇക്കാര്യം റിപ്പോര്‍ട്ട് ചെയ്തത്. ഇറാനികള്‍ ഇതുവരെയും അമേരിക്കക്കാരെ ആരെയും കൊന്നിട്ടില്ലെന്നും അവരത് ചെയ്യും വരെ രാഷ്ട്രീയ നേതൃത്വത്തെ ഉന്നം വെയ്ക്കുന്ന വിഷയം സംസാരിക്കാന്‍ പോകുന്നില്ലെന്നുമാണ് വിഷയത്തില്‍ ട്രംപ് നിലപാടെടുത്തത്.
അതേസമയം ഇങ്ങനെയൊരു വിഷയം നടന്നിട്ടില്ലെന്നും തെറ്റായ റിപ്പോര്‍ട്ടുകളാണ് വരുന്നതെന്നുമാണ് ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ പ്രതികരണം. ഇറാനിലെ ആക്രമണങ്ങളെ പറ്റി ട്രംപിനെ മുന്‍കൂട്ടി അറിയിച്ചിരുന്നെന്നും നെതന്യാഹു പറഞ്ഞു. അതേസമയം ഇറാന്‍ - ഇസ്രായേല്‍ സംഘര്‍ഷത്തിന് നയതന്ത്ര പരമായ ഇടപെടലിന് ശ്രമിക്കുകയാണ് ട്രംപ്. താന്‍ മുന്‍പും നിരവധി രാജ്യങ്ങള്‍ക്കിടയില്‍ സമാധാനം കൊണ്ടുവന്നിട്ടുണ്ടെന്നും അതിലൊന്നും തനിക്ക് ക്രെഡിറ്റ് ലഭിച്ചിട്ടില്ലെന്നും ട്രംപ് പറഞ്ഞതായി റിപ്പോര്‍ട്ടുകളുണ്ട്.
