രാജസ്ഥാന് റോയല്‍സിനെ ട്രോളി ഇംഗ്ലണ്ട് ക്രിക്കറ്റ് ടീം മുന്‍ നായകന്‍ മൈക്കിള്‍ വോണ്‍. വലിയ കാര്യത്തില്‍ സംസാരിക്കുന്ന ടീം ആണെന്നും എന്നാല്‍ കളിയില്‍ അതൊന്നും കാണാനില്ലെന്നും വോണ്‍ പരിഹസിച്ചു. ആദ്യ സീസണില്‍ കിരീടം നേടിയതൊഴിച്ചാല്‍ പിന്നീടുള്ള പ്രകടനങ്ങള്‍ മോശമാണെന്നും വോണ്‍ പറഞ്ഞു.
'രാജസ്ഥാന് എപ്പോഴും എന്നെ പൊട്ടിച്ചിരിപ്പിക്കുന്നു. വേറെ ഏത് ടീമിനേക്കാള്‍ നന്നായി കളിയെ കുറിച്ച് സംസാരിക്കുന്ന ടീമാണ് രാജസ്ഥാന്. എങ്ങനെ ഐപിഎല്‍ കളിക്കണം, എങ്ങനെ ഒരു ഫ്രാഞ്ചൈസിയെ മുന്നോട്ടുകൊണ്ടുപോകണം എന്നതിനെ കുറിച്ചൊക്കെ പുസ്തകം വരെ എഴുതിയിട്ടുണ്ട്. വിവേകപൂര്‍വം ടീം സെലക്ഷന്‍ നടത്തിയിരുന്നെങ്കില്‍ കുറച്ചുകൂടി നല്ല ഫലം ഉണ്ടാകുമായിരുന്നു. വലിയ വായില്‍ സംസാരിക്കാനൊക്കെ രാജസ്ഥാന് റോയല്‍സിന് മിടുക്കുണ്ട്. എന്നാല്‍, കളിക്കുന്ന കാര്യത്തില്‍ അത്ര മെച്ചമില്ല,' വോണ്‍ പറഞ്ഞു.
