MS Dhoni: ഐപിഎല്ലില്‍ നിന്ന് വിരമിക്കാന്‍ അപ്പോ ഉദ്ദേശമില്ല? സൂചന നല്‍കി ധോണി

അടുത്ത സീസണെ കുറിച്ച് ഇപ്പോള്‍ പറയാന്‍ സാധിക്കില്ലെന്നു ധോണി പറഞ്ഞു

MS Dhoni

MS Dhoni: ഐപിഎല്‍ വിരമിക്കല്‍ ഉടനുണ്ടാകില്ലെന്ന് സൂചന നല്‍കി മഹേന്ദ്രസിങ് ധോണി. ഫിറ്റ്‌നെസ് അനുവദിക്കുകയാണെങ്കില്‍ അടുത്ത സീസണിലും കളിക്കുമെന്നാണ് ധോണി പരോക്ഷമായി പറഞ്ഞുവെച്ചത്. ഈ സീസണിലെ ഗുജറാത്ത് ടൈറ്റന്‍സിനെതിരായ അവസാന ലീഗ് മത്സരത്തിനു ശേഷം സംസാരിക്കുകയായിരുന്നു അദ്ദേഹം. 

അടുത്ത സീസണെ കുറിച്ച് ഇപ്പോള്‍ പറയാന്‍ സാധിക്കില്ലെന്നു ധോണി പറഞ്ഞു. തീരുമാനമെടുക്കാന്‍ തന്റെ മുന്നില്‍ 4-5 മാസം സമയമുണ്ട്. ഫിറ്റ്‌നെസ് നിലനിര്‍ത്തുകയാണ് ആദ്യ ദൗത്യം. റാഞ്ചിയിലേക്കു തിരിച്ചുപോയ ശേഷം അല്‍പം വിശ്രമം. അതിനുശേഷം കുറച്ച് ബൈക്ക് റൈഡുകള്‍. അതുകഴിഞ്ഞായിരിക്കും ഭാവിയെ കുറിച്ച് തീരുമാനിക്കുകയെന്ന് ധോണി പറഞ്ഞു. 

ഈ സീസണില്‍ അവസാന സ്ഥാനത്താണ് ചെന്നൈ ഫിനിഷ് ചെയ്തത്. ഋതുരാജ് ഗെയ്ക്വാദ് പരുക്കേറ്റ് പുറത്തായ സാഹചര്യത്തില്‍ ചെന്നൈയെ നയിച്ചിരുന്നത് ധോണിയാണ്.