ഐപിഎല്ലിൽ ചെന്നൈ സൂപ്പർ കിംഗ്സുമായുള്ള മത്സരത്തിൽ രാജസ്ഥാന് മോശം തുടക്കം. ടോസ് നഷ്ടമായി ആദ്യം ബാറ്റിംഗിനിറങ്ങിയ രാജസ്ഥാന് രണ്ടാം ഓവറിൽ തന്നെ 10 റൺസെടുത്ത ഓപ്പണിംഗ് താരം യശസ്വി ജെയ്സ്വാളിനെ നഷ്ടമായി. മൂന്നാം വിക്കറ്റിൽ ജോസ് ബട്ട്‌ലറും ദേവ്ദത്ത് പടിക്കലും ചേർന്ന് റൺസ് ഉയർത്താൻ ശ്രമിച്ചെങ്കിലും രവീന്ദ്ര ജഡേജ എറിഞ്ഞ ഒമ്പതാം ഓവർ കളി മാറ്റിമറിച്ചു.
26 പന്തിൽ നിന്നും 38 റൺസെടുത്ത ദേവ്ദത്തിനെ ആദ്യം മടക്കിയ ജഡേജ രാജസ്ഥാൻ നായകൻ സഞ്ജു സാംസണിനെ പൂജ്യത്തിൽ പുറത്താക്കി. ഡൽഹിക്കെതിരായ കഴിഞ്ഞ മത്സരത്തിലും സഞ്ജു പൂജ്യത്തിനാണ് പുറത്തായത്. ഒടുവിൽ വിവരം കിട്ടുമ്പോൾ 11 ഓവറിൽ 97 റൺസിന് മൂന്ന് വിക്കറ്റ് എന്ന നിലയിലാണ് രാജസ്ഥാൻ. 39 റൺസുമായി ഓപ്പണർ ജോസ് ബട്ട്‌ലറും 3 റൺസുമായി രവിചന്ദ്ര അശ്വിനുമാണ് ക്രീസിൽ.
