ഷവോമിയുടെ പുതിയ സ്മാട്ട്ഫോൺ എം ഐ A2 ആഗസ്റ്റ് 8 ന് ഇന്ത്യൻ വിപണിയിൽ വിൽ‌പന ആരംഭിക്കും. കഴിഞ്ഞ ദിവസം സ്പെയിനിലാണ് എം ഐ A2വിനെ കമ്പനി അവതരിപ്പിച്ചത്. ഷവോമിയുടെ ഔദ്യോഗിക ട്വിറ്റർ വഴിയാണ് ഉന്ത്യയിൽ ഫോൺ അവതരിപ്പിക്കുന്ന വിവരം ഷവോമി അറിയിച്ചത്.
കഴിഞ്ഞ വർഷം വിപണിയിൽ വലിയ സ്വീകാര്യത ലഭിച്ച എം ഐ A1 ന്റെ പരിഷ്കരിച്ച മോഡലായാണ് എം ഐ A2 വിപണിയിലെത്തുന്നത്. 12 MP, 20 MP, ഡുവൽ റിയർ ക്യാമറയും 20 MP ആർട്ടിഫിഷ്യൽ ഇന്റലിജൻസ് സംവിധാനമുള്ള ഫ്രണ്ട് ക്യാമറയും ഫോണിൽ ഒരുക്കിയിരിക്കുന്നു.
5.99 ഇഞ്ചാണ് ഫോണിന്റെ ഡിസ്‌പ്ലേയുടെ വലിപ്പം. ക്വാൽകോമിന്റെ ഒക്ടാകോർ സ്നാപ്ഡ്രാഗൺ 660 പ്രോസസറാണ് ഫോണിന്റെ തലച്ചോർ. 3010 mAh ബാറ്ററി ബാക്കപ്പാണ് ഫോണിന് നൽകിയിരിക്കുന്നത്.