ഷവോമിയുടെ ഏറ്റവും പുതിയ ഫ്ലാഗ്ഷിപ് സ്മാർട്ട്‌ഫോണുകളായ റെഡ്മി K20യും K20 Proയും ഇന്ത്യൻ വിപണിയിൽ അവതരിപ്പിച്ചു. ഇരു ഫോണുകളിലും ചിപ് സെറ്റ് ഒൽഴിച്ച് ഏകദേശം സമാനമായ ഫീച്ചറുകൾ തന്നെയാണ് ഷവോമി നൽകിയിരിക്കുന്നത്. ഫോണിനെ നേരത്തെ ചൈനീസ് വിപണിയിൽ ഷവോമി പുറത്തിറക്കിയിരുന്നു.
6.39 ഇഞ്ച് ഫുൾ എച്ച് ഡി പ്ലസ് അമോലെഡ് നോച്ച്‌ലെസ് ഫുൾവ്യൂ ഡിസ്പ്ലേയാണ് ഇരു ഫോണുകളിലും ഉള്ളത്. ഡിസി ഡിമ്മിംഗ് എന്ന സാങ്കേതികവിദ്യ ഡിസ്പ്ലേയെ കൂടുതൽ എഫിഷ്യന്റ് ആക്കി മാറ്റും. സോണിയുടെ ഐ എം എക്സ് 586 സെൻസർ കരുത്ത് പകരുന്ന 48 മെഗാപിക്സൽ പ്രൈമറി ലെൻസ്, 13 മെഗാപിക്സലിന്റെ അൾട്ര വൈഡ ആംഗിൾ ലെൻസ്, 8 മെഗാപിക്സലിന്റെ ടെലിഫോട്ടോ ലെൻസ് എന്നിവ ഉൾപ്പെടുന്ന ട്രിപ്പിൾ റിയർ ക്യാമറകളാണ് ഇരു ഫോണിലുമുള്ളത്.
ആർട്ടിഫിഷ്യൽ ഇന്റലിജൻസ് അടിസ്ഥാനപ്പെടുത്തിയുള്ള 20 മെഗാപിക്സലിന്റെ പോപ്പ് സെൽഫി ക്യാമറ ഫോണിന്റെ പ്രധാന സവിസേഷതകളിൽ ഒന്നാണ്. ചിപ്സെറ്റിന്റെ കാര്യത്തിലാണ് ഇരു ഫോണുകൾക്കും വ്യത്യാസം ഉള്ളത്. ക്വാൽകോമിന്റെ സ്നാപ്ഡ്രാഗൺ 855 ചിപ്സെറ്റാണ് റെഡ്മി K20 Proക്ക് കരുത്ത് പകരുന്നത്. എന്നാൽ റെഡ്മി K20യിൽ ഒരുക്കിയിരിക്കുന്നത് ആൻഡ്രീനോ ജിപിയു 616നോടുകുടിയ സ്നാപ്ഡ്രാഗൺ 730 പ്രൊസസറാണ്.
മികച്ച ഗെയിമിംഗ് എക്സ്‌പീരിയൻസിനായി ഗെയിം ടർബോ 2.0 എന്ന പ്രത്യേക സോഫ്റ്റ്‌വെയറും ഫോണിൽ ഒരുക്കിയിട്ടുണ്ട്. 4ജിബി റാം, 64 ജിബി സ്റ്റോറേജ്, 6 ജിബി റാം. 64 ജിബി സ്റ്റോറേജ് എന്നീ രണ്ട് വേരിയന്റുകളിലാണ് K20 വിപണിയിലെത്തുന്നത്. 6ജിബി റാം 128 ജി ബി സ്റ്റോറേജ്, 8 ജിബി റാം 128 ജിബി സ്റ്റോറേജ്. 8 ജിബി റാം 256 ജിബി സ്റ്റോറേജ് എന്നിങ്ങനെയാണ് K20 Proയുടെ വേരിയന്റുക.
27W ഫാസ്റ്റ് ചാർജിംഗ് സംവിധാനത്തോടുകൂടിയ 4000 എം എ എച്ച് ബാറ്ററിയാണ് ഇരു സ്മാർട്ട്‌ഫോണുകളിലും നൽകിയിരിക്കുന്നത്. 50 മിനിറ്റിൽ ഫോൺ പൂർണ ചാർജ് കൈവരിക്കും എന്നാണ് ഷവോമിയുടെ അവകാശവാദം.
