ഒരോ ദിവസവും ഉപയോക്തക്കൾക്ക് പുതുമകൾ നൽകുകയാണ് വാട്ട്സ് ആപ്പ്. വാട്ട്സ് അപ്പ് ചാറ്റിലെ ഇമോജികളും സ്റ്റിക്കറുകളുമെല്ലാം ആളുകൾ ഏറെ ഇഷ്ടപ്പെടുന്ന ഫീച്ചറുകളാണ് വാക്കുകളെക്കാൾ കൂടുതൽ ആളുകൾ ഉപയോഗിക്കാറുള്ളതും ഇത്തരം ഇമോജികളും സ്റ്റിക്കറുകളുമാണ്. ഇമോജികളിലും സ്റ്റിക്കറുകളിലും വലിയ മാറ്റങ്ങൾ കൊണ്ടുവരാൻ ഒരുങ്ങുകയാണ് ഇപ്പോൾ വാട്ട്സ് ആപ്പ്.
വാട്ട്സ് ആപ്പിന് വേണ്ടി മാത്രമായി പ്രത്യേക ഇമോജികളും സ്റ്റിക്കറുകളും തയ്യാറാവുന്നന്നതായാണ് റിപ്പോർട്ടുകൾ. 3D ഇമോജികളാണ് അണിയറയിൽ ഒരുങ്ങുന്നത് എന്നതാണ് റിപ്പോർട്ടിലെ ഏറ്റവും ശ്രദ്ധേയമായ സംഗതി. അധികം വൈകാതെ തന്നെ പുതിയ ഇമോജികളും സ്റ്റിക്കറുകളും എത്തും എന്നാണ് ടെക് ബ്ലോഗായ വാബീറ്റ ഇൻഫോ പുറത്തുവിട്ട റിപ്പോർട്ടിൽ പറയുന്നത്.
ഫെയിസ്ബുക്കിന്റെ തന്നെ ഉടമസ്ഥതയിലുള്ള ഒരു സ്ഥാപനമാണ് വാട്ട്സ് ആപ്പിനായി പ്രത്യേക ഇമോജികളും സ്റ്റിക്കറുകളും തയ്യാറാക്കുന്നത് എന്നാണ് വാബീറ്റ ഇൻഫോ റിപ്പോർട്ട് ചെയ്യുന്നത്. കൂടുതൽ അനിമേറ്റഡ് സ്റ്റിക്കറുകൾകൂടി അധികം വൈകാതെ വാട്ട്സ് ആപ്പിൽ എത്തുന്നതോടെ ചാറ്റിംഗ് കൂടുതൽ രസകരമാകും. ഉപയോക്താക്കൾക്ക് സുരക്ഷ ഒരുക്കുന്നതിന് നിരവധി മാറ്റങ്ങൾ അടുത്തിടെ വാട്ട്സ് ആപ്പ് കൊണ്ടുവന്നിരുന്നു.