കൂത്തുപറമ്പ് രക്തസാക്ഷി പുഷ്പനെ അപകീര്‍ത്തിപ്പെടുത്തിയ എസ്.ഐക്ക് സസ്‌പെന്‍ഷന്‍
റൂറല്‍ ജില്ലാ പൊലീസ് മേധാവിയുടെ റിപ്പോര്‍ട്ടിലാണ് ഇയാള്‍ക്കെതിരെ നടപടിയെടുത്തത്
കഴിഞ്ഞ ദിവസം അന്തരിച്ച കൂത്തുപറമ്പ് രക്തസാക്ഷി പുഷ്പനെ വാട്‌സ്ആപ്പ് ഗ്രൂപ്പില്‍ അപകീര്‍ത്തിപ്പെടുത്തിയ ഗ്രേഡ് എസ്.ഐക്ക് സസ്‌പെന്‍ഷന്‍. കോതമംഗലം സ്റ്റേഷനിലെ എസ്.ഐ കെ.എസ്.ഹരിപ്രസാദിനെയാണ് എറണാകുളം റേഞ്ച് ഡിഐജി സസ്‌പെന്‍ഡ് ചെയ്തത്.
ചങ്ങാതിക്കൂട്ടം എന്ന വാട്‌സ്ആപ്പ് കൂട്ടായ്മയിലാണ് പുഷ്പനെ അപകീര്‍ത്തിപ്പെടുത്തുന്ന കമന്റ് ഇയാള്‍ ഇട്ടത്. ഇതിന്റെ സ്‌ക്രീന്‍ഷോട്ട് പിന്നീട് സമൂഹമാധ്യമങ്ങളില്‍ പ്രചരിക്കുകയായിരുന്നു. ഇതിനെതിരെ പരാതി ഉയരുകയും പ്രാഥമിക അന്വേഷണം നടത്തുകയും ചെയ്തു. റൂറല്‍ ജില്ലാ പൊലീസ് മേധാവിയുടെ റിപ്പോര്‍ട്ടിലാണ് ഇയാള്‍ക്കെതിരെ നടപടിയെടുത്തത്.
എറണാകുളം നര്‍ക്കോട്ടിക് സെല്‍ പൊലീസ് ഡെപ്യൂട്ടി സൂപ്രണ്ട് അന്വേഷണം നടത്തി. മൂന്ന് മാസത്തിനകം റിപ്പോര്‍ട്ട് സമര്‍പ്പിക്കാനും നിര്‍ദേശം നല്‍കി.
