മദ്യപാനം പ്രോത്സാഹിപ്പിക്കുന്ന വീഡിയോകള്‍ സ്ഥിരമായി ഇന്‍സ്റ്റഗ്രാമില്‍ പോസ്റ്റ് ചെയ്തിരുന്ന 23 കാരനായ മല്ലു കുടിയന്‍ എന്ന പേരില്‍ അറിയപ്പെടുന്ന യുവാവ് അറസ്റ്റിലായി. അഭിജിത്ത് അനിലെന്നാണ് ഇയാളുടെ യഥാര്‍ഥപേര്. തിരുവല്ലയില്‍ വെച്ച് എക്‌സൈസാണ് മല്ലു കുടിയനെ അറസ്റ്റ് ചെയ്തത്.
തിരുവല്ല സര്‍ക്കിള്‍ ഇന്‍സ്‌പെക്ടറുടെ നിര്‍ദേശപ്രകാരം റേഞ്ച് ഇന്‍സ്‌പെക്ടര്‍ പ്രസന്നന്‍ ജിയും സംഘവുമാണ് അറസ്റ്റ് ചെയ്യാനെത്തിയത്. എക്‌സൈസ് സൈബര്‍ സെല്ലില്‍ നിന്നും ലഭിച്ച വിവരത്തിന്റെ അടിസ്ഥാനത്തിലായിരുന്നു നടപടി. കേരള അബ്കാരി നിയമം സെക്ഷന്‍ 55(എച്ച്) പ്രകാരമാണ് അഭിജിത്ത് അനിലിനെതിരെ കേസെടുത്തത്.
