‘മാഡമോ, ഞാനോ? - സുനിയുടെ വെളിപ്പെടുത്തലില്‍ കാവ്യാ മാധവന്‍ ബോധം‌കെട്ടു വീണു!
സുനിയുടെ വെളിപ്പെടുത്തലില്‍ കാവ്യ മാധവന്‍ ബോധം‌കെട്ടു!
നടിയെ ആക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപിന് കുറുക്കു മുറുകുന്നു. പൊലീസിന്റെ വക കുറുക്ക് ഒരു സ്ഥലത്ത്. ഇതിനിടയിലാണ് പള്‍സര്‍ സുനി ദിലീപിന്റെ കുടുംബത്തിന് അടുത്ത കൊട്ട് കൊടുത്തത്. തന്റെ മാഡം കാവ്യ മാധവനാണെന്ന വെളിപ്പെടുത്തല്‍ കഴിഞ്ഞ ദിവസം സുനി നടത്തിയിരുന്നു.
വെളിപ്പെടുത്തലിന്റെ അടിസ്ഥാനത്തില്‍ കാവ്യയെ അന്വേഷണ സംഘം വീണ്ടും ചോദ്യം ചെയ്തേക്കുമെന്നും സൂചനകള്‍ ഉണ്ട്. അതിനിടെ സുനിയുടെ മാഡം വെളിപ്പെടുത്തല്‍ കേട്ട് കാവ്യ ബോധം കെട്ടുവീണെന്ന് മംഗളം റിപ്പോര്‍ട്ട് ചെയ്യുന്നു. ‘മാഡം ഞാനോ’ എന്ന് ഞെട്ടലോടെ ചോദിച്ച് കാവ്യ ബോധംകെട്ടുവെന്നാണ് പുറത്തുവരുന്ന സൂചനകള്‍.
ബോധംകെട്ട് വീണ കാവ്യയെ പരിശോധിക്കാന്‍ ഡോക്ടറെ വിളിച്ചുവരുത്തി. ഇപ്പോള്‍ കുഴപ്പമില്ലെന്ന് ഡോക്ടര്‍ പറഞ്ഞതായാണ് റിപ്പോര്‍ട്ടില്‍ സൂചിപ്പിക്കുന്നത്. എന്നാല്‍ ഇക്കാര്യം കാവ്യയുമായി അടുപ്പമുള്ളവര്‍ സ്ഥിരീകരിച്ചിട്ടില്ല. കാവ്യയെ നേരത്തെ പോലീസ് ചോദ്യം ചെയ്തിരുന്നു. സുനിയെ അറിയില്ല എന്നതുള്‍പ്പെടെ അന്ന് കാവ്യ നല്‍കിയ മൊഴികള്‍ വിശ്വാസ യോഗ്യമല്ലെന്നാണ് പോലീസ് കരുതുന്നത്. ഇതിന്റെ അടിസ്ഥാനത്തില്‍ കാവ്യയെ വീണ്ടും ചോദ്യം ചെയ്യാന്‍ സാധ്യതയുണ്ട്.
