മീന്‍ ലോറിയില്‍ കടത്തിയ 139 കിലോ കഞ്ചാവ് പിടികൂടി. ദേശീയ പാതയില്‍ കോടതി കവലയില്‍ വച്ചാണ് ബുധനാഴ്ച രാവിലെ ചാലക്കുടി പോലീസ് കഞ്ചാവ് പിടികൂടിയത്. പതിവ് വാഹന പരിശോധനയ്ക്കിടെയാണ് കഞ്ചാവ് കണ്ടെടുത്തത്.
ഇതുമായി ബന്ധപ്പെട്ട കൊല്ലം ശക്തികുളങ്ങര സ്വദേശി അരുണിനെ ലോറിക്കൊപ്പം കസ്റ്റഡിയിലെടുത്തു. ആന്ധ്രാ പ്രദേശിലെ വിശാഖ പട്ടണത്തുനിന്ന് ആലുവായിലേക്ക് കൊണ്ടുവരികയായിരുന്നു കഞ്ചാവ് എന്ന ലോറി ഡ്രൈവര്‍ അരുണ്‍ പറഞ്ഞു. ഇത് ആര്‍ക്കാണ് കൊണ്ടുവന്നതെന്ന് പോലീസ് അന്വേഷിച്ചു വരികയാണ്.