ചെങ്ങന്നൂരില്‍ രണ്ടുകോടി രൂപ വിലയുള്ള വിഗ്രഹം തട്ടിക്കൊണ്ടുപോയി. 60കിലോ തൂക്കമുള്ള അയ്യപ്പന്റെ പഞ്ചലോഹ വിഗ്രഹമാണ് ചെങ്ങന്നൂരിലെ വിഗ്രഹ നിര്‍മാണ ശാലയില്‍ നിന്ന് തട്ടിക്കൊണ്ടുപോയത്. ലണ്ടനിലെ ഒരു ക്ഷേത്രത്തില്‍ പ്രതിഷ്ഠിക്കാനായിരുന്നു വിഗ്രഹം നിര്‍മിച്ചത്.
അക്രമം നടത്തിയാണ് വിഗ്രഹം കവര്‍ച്ച ചെയ്തത്. ഈ സ്ഥാപനത്തില്‍ മുന്‍പ് ജോലി ചെയ്തിരുന്ന വ്യക്തിയാണ് ഇത് ചെയ്തതെന്ന് പറയുന്നു. ബൈക്കിലെത്തിയ സംഘം തൊഴിലാളികളെ മര്‍ദ്ദിച്ച് അവശരാക്കിയ ശേഷം വിഗ്രഹം കടത്തുകയായിരുന്നു.