അമേരിക്കയിലെ ചികിത്സയ്ക്ക് ശേഷം മുഖ്യമന്ത്രി പിണറായി വിജയന്‍ തിരിച്ചെത്തി

മുഖ്യമന്ത്രിയെ സ്വീകരിക്കാന്‍ ചീഫ് സെക്രട്ടറിയും ഡിജിപിയും എത്തിയിരുന്നു.

അമേരിക്കയിലെ ചികിത്സയ്ക്ക് ശേഷം മുഖ്യമന്ത്രി പിണറായി വിജയന്‍ തിരിച്ചെത്തി. ഇന്ന് പുലര്‍ച്ചെ മൂന്നുമണിയോടെയാണ് തിരുവനന്തപുരം അന്താരാഷ്ട്ര വിമാനത്തില്‍ മുഖ്യമന്ത്രി തിരിച്ചെത്തിയത്. മുഖ്യമന്ത്രിയെ സ്വീകരിക്കാന്‍ ചീഫ് സെക്രട്ടറിയും ഡിജിപിയും എത്തിയിരുന്നു. അമേരിക്കയില്‍ നിന്ന് ദുബായി വഴിയാണ് മുഖ്യമന്ത്രിയും ഭാര്യ കമല വിജയനും തിരിച്ചെത്തിയത്. 

ജൂലൈ അഞ്ചിനാണ് അമേരിക്കയിലെ മയോ ക്ലിനിക്കില്‍ ചികിത്സയ്ക്കായി മുഖ്യമന്ത്രി പോയത്. നാലാം തവണയാണ് മുഖ്യമന്ത്രി ചികിത്സയ്ക്കായി അമേരിക്കയിലേക്ക് പോകുന്നത്. പതിവുപോലെ പകരം ചുമതല ആര്‍ക്കും നല്‍കിയിട്ടില്ലായിരുന്നു. അതേസമയം മുഖ്യമന്ത്രിയുടെ യാത്രയെ പ്രതിപക്ഷത്തിലെ നേതാക്കള്‍ രൂക്ഷമായി വിമര്‍ശിച്ചിരുന്നു. സംസ്ഥാനത്തെ ആരോഗ്യ മേഖലയിലെ വിവാദങ്ങള്‍ ശക്തമായ സമയത്തായിരുന്നു മുഖ്യമന്ത്രിയുടെ യാത്ര. 

അതേസമയം ആശുപത്രി കെട്ടിടം തകര്‍ന്നുവീണ് മരിച്ച ബിന്ദുവിന്റെ കുടുംബത്തിന്റെ ആവശ്യങ്ങള്‍ സര്‍ക്കാര്‍ അംഗീകരിച്ചിരുന്നു. മകന്റെ ജോലിയും മകളുടെ ചികിത്സയും ഉറപ്പാക്കുമെന്ന് മന്ത്രി വാസവന്‍ പറഞ്ഞു. ബിന്ദുവിന്റെ മകള്‍ നവമിയുടെ ചികിത്സ സര്‍ക്കാര്‍ ഏറ്റെടുക്കുമെന്ന് മന്ത്രി പറഞ്ഞു. കുടുംബത്തിന് അടിയന്തര സഹായമായി അലക്ഷം രൂപ മന്ത്രി വാസവന്‍ നല്‍കി.