സംസ്ഥാനത്ത് 6 പേർക്ക് കൂടി കൊവിഡ് 19 സ്ഥിരീകരിച്ചതാ‍യി മുഖ്യമന്ത്രി പിണറായി വിജയൻ പത്രസമ്മേളനത്തിൽ അറിയിച്ചു. ഇതോടെ കേരളത്തിൽ നിലവിൽ വൈറസ് ബാധിതരുടെ എണ്ണം 12 ആയി. ഇറ്റലിയിൽ നിന്നും വന്നവരുടെ കുടുംബസുഹൃത്തുക്കൾക്കാണ് ഇപ്പോൾ രോഗം സ്ഥിരീകരിച്ചിരിക്കുന്നത്. കോഴഞ്ചേരി ആശുപത്രിയിൽ ചികിത്സയിലാണ് ഇവർ. അമ്മയ്ക്കും മകൾക്കുമാണ് രോഗം സ്ഥിരീകരിച്ചിരിക്കുന്നത്.
കൊറോണയെ പ്രതിരോധിക്കുന്നതിന്റെ ഭാഗമായി സംസ്ഥാനത്തെ സ്കൂളുകൾക്ക് ഏഴാം ക്ലാസ് വരെ അവധി നൽകാൻ മന്ത്രിസഭാ തീരുമാനമായിട്ടുണ്ട്. അങ്കണവാടികൾക്കും ബാധകമാണ് ഈ തീരുമാനം. എട്ട്, ഒൻപത് ക്ലാസുകളിലെ പരീക്ഷകൾക്ക് മാറ്റമില്ല. ഈ മാസം മുഴുവൻ ബാധമകാണ് ഈ നിയന്ത്രണം.
മദ്രസ, അങ്കണവാടി, കോളെജുകൾ, പ്രൊഫഷണൽ കോളെജുകൾ എന്നിവ അടച്ചിടും. വിവാഹം ആഘോഷമാക്കുന്നത് ഒഴിവാക്കണം. ആളുകൾ കൂടാൻ സാധ്യതയുള്ള എല്ലാ സാഹചര്യങ്ങളും ഒഴിവാക്കാൻ ആണ് മുഖ്യമന്ത്രി നിർദേശിക്കുന്നത്. പൊതുപരിപാടികൾ നിർത്തിവെയ്ക്കും.
ഉതത്സവങ്ങൾ ഒഴിവാക്കാൻ നിർദേശം നൽകികഴിഞ്ഞു. ശബരിമല സന്ദർശനം ഒഴിവാക്കാൻ ശ്രദ്ധിക്കണമെന്നും മുഖ്യമന്ത്രി വാർത്താസമ്മേളനത്തിൽ അറിയിച്ചു.