കുളത്തൂപ്പുഴ: കുളത്തൂപ്പുഴയില്‍ ശിവ ക്ഷേത്രത്തില്‍ കര്‍ഫ്യു സമയത്ത് വന്‍ കവര്‍ച്ച നടന്നു. കുളത്തൂപ്പുഴ പോലീസ് സ്റ്റേഷനടുത്തുള്ള ആനക്കൂട് ശിവക്ഷേത്രത്തിലാണ് കവര്‍ച്ച നടന്നത്.
ഒരു ലക്ഷം രൂപയുടെ നഷ്ടം കണക്കാക്കുന്നതായാണ് ക്ഷേത്രം ഭാരവാഹികള്‍ അറിയിച്ചത്. ക്ഷേത്രത്തിലെ ഓഫീസിന്റെ പൂട്ട് തകര്‍ത്ത് അകത്തു കടന്ന മോഷ്ടാവ് ശ്രീകോവിലിന്റെ താക്കോലെടുത്ത് തുടര്‍ന്ന് വിഗ്രഹത്തിലെ സ്വര്‍ണ്ണമാല, പണം, സ്വര്‍ണ്ണപൊട്ട് എന്നിവ കവര്‍ന്നു.
ഇതിനൊപ്പം ക്ഷേത്രത്തിലെ എല്ലാ വഞ്ചികളും തകര്‍ക്കുകയും ചെയ്തു. കവര്‍ച്ചയ്ക്ക് മുമ്പ് തന്നെ ക്ഷേത്രത്തിലുള്ള സി.സി.ടി.വി യുടെ കേബിളുകളും നശിപ്പിച്ചിരുന്നു.
