ബുറേവി ചുഴലിക്കാറ്റ് കേരളം തീരം തൊടുന്നതുമായി ബന്ധപ്പെട്ട മുൻകരുതലിന്റെ ഭാഗമായി കേരളത്തിൽ അഞ്ച് ജില്ലകളിൽ വെള്ളിയാഴ്‌ച പൊതു അവധി പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ഇടുക്കി, ആലപ്പുഴ ജില്ലകളിലാണ് പൊതു അവധി.
ബുറേവി ചുഴലിക്കാറ്റിന്റെ സഞ്ചാരപഥത്തിലുള്ള ഈ ജില്ലകളിൽ പൊതുമേഖലാ സ്ഥാപനങ്ങൾ ഉൾപ്പടെയുള്ള സ്ഥാപനങ്ങൾക്കാണ് വെള്ളിയാഴ്‌ച അവധി.
ആവശ്യസർവീസുകൾ, തെരഞ്ഞെടുപ്പ് ചുമതലകൾ, ദുരന്തനിവാരണം എന്നിവയ്ക്ക് അവധി ബാധകമായിരിക്കില്ല.
