സംസ്ഥാനത്ത് പ്രതിവര്‍ഷം 50,000 വിവാഹമോചന കേസുകള്‍; കുട്ടികളെയാണ് കൂടുതല്‍ ബാധിക്കുന്നതെന്ന് പുതിയ റിപ്പോര്‍ട്ട്

സംസ്ഥാനത്ത് പ്രതിവര്‍ഷം നടക്കുന്നത് 50,000 വിവാഹമോചന കേസുകള്‍. ഇത് കുട്ടികളെയാണ് കൂടുതല്‍ ബാധിക്കുന്നതെന്ന് പുതിയ റിപ്പോര്‍ട്ട്. മാതാപിതാക്കള്‍ വിവാഹമോചന കേസില്‍ അകപ്പെടുമ്പോള്‍ കുട്ടികള്‍ കടുത്ത മാനസിക സംഘര്‍ഷം അനുഭവിക്കുന്നു. ഏറ്റവും വലിയ തെറ്റ് വിചാരണ സമയത്ത് കുട്ടികളെ കൂടെ കൊണ്ടുവരുന്നു എന്നതാണ്. 50 ശതമാനത്തിലധികം കേസുകളിലും ഇത് തുടരുന്നു. സംസ്ഥാന ബാലാവകാശ കമ്മീഷനാണ് പഠനം നടത്തിയത്. 

കോടതികളില്‍ നിന്നും കുട്ടികളില്‍ നിന്നും വിവരങ്ങള്‍ ശേഖരിച്ചും കമ്മീഷന് ലഭിച്ച പരാതികള്‍ വിശകലനം ചെയ്തുമാണ് പഠനം നടത്തിയത്. മാതാപിതാക്കള്‍ പലപ്പോഴും കേസുമായി മുന്നോട്ട് പോകാറുണ്ട്. തുടര്‍ന്നുള്ള സാമ്പത്തിക പ്രശ്‌നങ്ങള്‍ കാരണം, ഫീസ്, യൂണിഫോം, പുസ്തകങ്ങള്‍ മുതലായവയെ ചൊല്ലിയും തര്‍ക്കങ്ങള്‍ ഉണ്ടകാറുണ്ട്. കുട്ടികളുടെ സംരക്ഷണത്തിനായി മാതാപിതാക്കള്‍ വഴക്കിടുന്നത് അവരില്‍ ഗുരുതരമായ മാനസിക പ്രശ്‌നങ്ങള്‍ സൃഷ്ടിക്കുന്നു. വേര്‍പിരിയലിനുശേഷം, 57 ശതമാനം മാതാപിതാക്കളും കുട്ടികളെ കാണാന്‍ പോകാറില്ല.