എല്ലാ തടസങ്ങളും നീങ്ങി; എകെ ശശീന്ദ്രൻ വീണ്ടും മന്ത്രിസഭയിലേയ്ക്ക് - സത്യപ്രതിജ്ഞ വ്യാഴാഴ്ച !

എകെ ശശീന്ദ്രന്‍ മന്ത്രിപദത്തിലേക്ക്

ഫോണ്‍കെണി വിവാദത്തില്‍പ്പെട്ട് മന്ത്രിസ്ഥാനം രാജിവെച്ച എകെ ശശീന്ദ്രന്‍‍ വീണ്ടും മന്ത്രിസഭയിലേയ്ക്ക്. വ്യാഴാഴ്ചയായിരിക്കും ശശീന്ദ്രന്‍ സത്യപ്രതിജ്ഞ ചെയ്ത് അധികാരമേല്‍ക്കുകയെന്നാണ് പുറത്തുവരുന്ന വിവരം. സത്യപ്രതിജ്ഞ സംബന്ധിച്ച് തീരുമാനമെടുക്കുന്നതിനായി മുന്നണി നേതൃത്വത്തെ മുഖ്യമന്ത്രി ചുമതലപ്പെടുത്തുകയും ചെയ്തിരുന്നു.

സത്യപ്രതിജ്ഞയ്ക്കായി ഗവര്‍ണറുടെ സമയവും തേടിയിട്ടുണ്ട്. എന്നാല്‍ ബുധനാഴ്ച ഗവര്‍ണറര്‍ക്ക് അസൗകര്യം ഉള്ളതിനാലാണ് സത്യപ്രതിജ്ഞ വ്യാഴഴ്ചയിലേക്ക് മാറ്റിവച്ചത്. ഫോണ്‍കെണി കേസില്‍ കുറ്റവിമുക്തനായ ശശീന്ദ്രനെ മന്ത്രിസഭയില്‍ ഉള്‍പ്പെടുത്തുന്ന കാര്യത്തില്‍ സിപിഐഎമ്മിനും എല്‍ഡിഎഫിനും എതിരഭിപ്രായമില്ലായിരുന്നു.