ജി. പ്രിയങ്ക പാലക്കാട് ജില്ല കളക്ടറായി ചുമതയേറ്റു

G Priyanka

പാലക്കാട് ജില്ല കളക്ടറായി ജി.പ്രിയങ്ക  ചുമതയേറ്റു. കര്‍ണാടക സ്വദേശിയാണ്. 2017 ബാച്ച് ഐ.എ.എസ്. ഉദ്യോഗസ്ഥയാണ്.  ഇലക്ട്രോണിക്സ് ആന്‍ഡ് കമ്മ്യൂണിക്കേഷനില്‍ എഞ്ചിനീയറിങ് ബിരുദത്തിനു ശേഷം പബ്ലിക് മാനേജ്മെന്റിലും പബ്ലിക് അഡ്മിനിസ്ട്രേഷനിലും ബിരുദാനന്തര ബിരുദവും നേടിയിട്ടുണ്ട്.സാമൂഹ്യ നീതി വകുപ്പ് -.വനിതാ ശിശു വികസന വകുപ്പ് ഡയറക്ടര്‍,കോഴിക്കോട് സബ് കളക്ടര്‍,  എന്നീ ചുമതലകള്‍ വഹിച്ചിട്ടുണ്ട്. കാര്‍ഷിക, വ്യവസായ, വിനോദസഞ്ചാര മേഖലകളില്‍ ജില്ലയുടെ വളര്‍ച്ചയ്ക്കൊപ്പം പ്രവര്‍ത്തിക്കാന്‍ താല്‍പ്പര്യപ്പെടുന്നതായി ജില്ല കളക്ടര്‍ പറഞ്ഞു.

ജില്ലകളക്ടറുടെ ഫെയ്‌സ്ബുക്ക് പോസ്റ്റ് വായിക്കാം

ഇന്ന് പാലക്കാട്  ജില്ലാ കളക്ടറായി ചുമതലയേല്‍ക്കുകയാണ്. വേറിട്ട സംസ്‌കാരത്തിനും പൈതൃകത്തിനും പേരുകേട്ട കേരളത്തിന്റെ നെല്ലറയാണ്  പാലക്കാട്. 

 പ്രകൃതി രമണീയതയോടൊപ്പം

  കൃഷിയും വ്യവസായവും വിനോദസഞ്ചാരവും 

ഊര്‍ജ്ജിതമായി തുടരുന്ന ജില്ലയില്‍ യാത്ര ആരംഭിക്കുമ്പോള്‍, പാലക്കാടന്‍ ജനതയുടെ പിന്തുണയും സഹകരണവും പ്രതീക്ഷിക്കുന്നു. നമുക്ക് ഒരുമിച്ച്, ശോഭനമായ ഭാവിക്കായി പ്രവര്‍ത്തിക്കാം.

ആദരവോടെ

പ്രിയങ്ക.ജി

ജില്ല കളക്ടര്‍, പാലക്കാട്