കൊലക്കേസ് പ്രതിക്ക് കഞ്ചാവ് നൽകാൻ ശ്രമിച്ചയാൾ അറസ്റ്റിൽ

കോട്ടയം: കൊലക്കേസ് പ്രതിക്ക് കഞ്ചാവും ലഹരിമരുന്നു കൈമാറാൻ ശ്രമിച്ച സംഭവത്തിൽ യുവാവിനെ എക്സൈസ് സംഘം അറസ്റ്റ് ചെയ്തു. ചങ്ങനാശേരി ഹിദായത്തുൽ നഗർ നട്‌തലമുറി പറമ്പിൽ ബിലാൽ എന്ന 21 കാരനെയാണ് എസ്‌സിസ് സംഘം അറസ്റ്റ് ചെയ്തത്.

കുപ്രസിദ്ധ ഗുണ്ടയായി രാജേഷിനെ (42) കഴിഞ്ഞ ദിവസം രാവിലെ പതിനൊന്നു മണിയോടെ സബ് ജയിലിൽ നിന്ന് കോടതിയിലേക്ക് പോലീസ് കൊണ്ടുപോയപ്പോഴാണ് ബിലാൽ ഇയാൾക്ക് കഞ്ചാവും ലഹരി മരുന്നായ എം.ഡി.എം.എ യും കൈമാറാൻ ശ്രമിച്ചു പിടിയിലായത്.

250 ഗ്രാം കഞ്ചാവും എം.ഡി.എം.എ യുടെ നാല് പാക്കറ്റുമാണ് പിടികൂടിയത്. ബിലാലിന്റെ സ്‌കൂട്ടറും കസ്റ്റഡിയിലെടുത്തു. ജയിലിൽ ഉള്ള പല ഗുണ്ടകൾക്കും ലഹരി മരുന്ന് എത്തിച്ചുകൊടുക്കുന്ന സംഘത്തിലെ തലവനാണ് ഇയാൾ എന്നാണു പോലീസ് പറയുന്നത്.