Publish Date: Thu, 06 Aug 2020 (21:41 IST)
Updated Date: Thu, 06 Aug 2020 (21:46 IST)
അതിതീവ്രമായി മഴ തുടരുന്ന സാഹചര്യത്തില് ഇടുക്കിയില് രാത്രിയാത്ര നിരോധിച്ചു. രാത്രി ഏഴുമണിമുതല് രാവിലെ ആറുമണിവരെയാണ് നിരോധനം. അതേസമയം മീനച്ചിലാര് കരകവിഞ്ഞ് ഒഴുകുകയാണ്. കൃഷിയിടങ്ങള് വെള്ളത്തിനടിയിലായിട്ടുണ്ട്. മണിമലയാറിന്റെയും മീനച്ചിലാറിന്റെയും തീരത്തുള്ളവര് ജാഗ്രത പാലിക്കണമെന്ന് അധികൃതര് അറിയിച്ചു.
അതേസമയം ബംഗാള് ഉള്ക്കടലില് ഈ മാസം ഒമ്പതോടെ പുതിയ ന്യൂനമര്ദ്ദം രൂപം കൊള്ളും എന്നാണ് പ്രതീക്ഷിക്കപ്പെടുന്നത്.രാജ്യത്തിന്റെ വടക്കുപടിഞ്ഞാറന് മേഖലയില് അതിശക്തമായ കാറ്റിന് സാധ്യതയുണ്ടെന്നും കാലാവസ്ഥാ നിരീക്ഷകര് മുന്നറിയിപ്പ് നല്കുന്നു. ന്യൂനമര്ദ്ദം ശക്തിപെടുന്നതോടെ മധ്യ ഇന്ത്യയിലും വടക്കുകിഴക്കന് മേഖലയിലും ഇത് മഴ ശക്തമാകുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്.
