കോണ്‍ഗ്രസ് നേതാവും മുന്‍ മന്ത്രിയുമായ കെ കെ രാമചന്ദ്രന്‍ അന്തരിച്ചു. ഹൃദയാഘാതമാണ് മരണകാരണം. കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും വ്യാഴാഴ്‌ച പുലര്‍ച്ചെ മൂന്നരയോടെ അന്ത്യം സംഭവിക്കുകയായിരുന്നു. 78 വയസായിരുന്നു.
കണ്ണൂര്‍ കൂത്തുപറമ്പ് സ്വദേശിയാണ് കെ കെ രാമചന്ദ്രന്‍. എ കെ ആന്‍റണി മന്ത്രിസഭയില്‍ ഭക്‍ഷ്യ പൊതുഭരണ വകുപ്പും ഉമ്മന്‍‌ചാണ്ടി മന്ത്രിസഭയില്‍ ആരോഗ്യവകുപ്പും കെ കെ രാമചന്ദ്രന്‍ കൈകാര്യം ചെയ്‌തിട്ടുണ്ട്.
കല്‍പ്പറ്റ, ബത്തേരി മണ്ഡലങ്ങളില്‍ നിന്ന് പലതവണ അദ്ദേഹം നിയമസഭയിലേക്ക് തിരഞ്ഞെടുക്കപ്പെട്ടു. കെ പി സി സി ജനറല്‍ സെക്രട്ടറിയും എ ഐ സി സി അംഗവുമായിരുന്നു.
