പാനൂരില്‍ പിഞ്ചുകുഞ്ഞിനെ തെരുവുനായ ആക്രമിച്ചു. പാനൂര്‍ സ്വദേശി നസീറിന്റെ മകനെയാണ് നായ ആക്രമിച്ചത്. വീടിന്റെ മുറ്റത്ത് വച്ചായിരുന്നു നായ ആക്രമിച്ചത്. കുഞ്ഞ് തീവ്രപരിചരണ വിഭാഗത്തില്‍ ചികിത്സയിലാണ്. ആക്രമണത്തില്‍ കുട്ടിയുടെ മുഖത്തിനും കണ്ണിനും പരിക്കേറ്റു. കുട്ടിയുടെ മൂന്നു പല്ലുകളും നഷ്ടപ്പെട്ടിട്ടുണ്ട്.
ഇന്നലെ പകല്‍ പതിനൊന്നരയ്ക്കാണ് സംഭവം നടന്നത്. രക്തത്തില്‍ കുളിച്ച നിലയില്‍ കുട്ടിയെ കണ്ടെത്തുകയായിരുന്നു. ഉടനെ സ്വകാര്യ ആശുപത്രിയില്‍ എത്തിച്ചു.
