കർക്കിടകമാസത്തിൽ ദശപുഷ്പങ്ങൾ ചൂടുന്നത് രോഗശമനത്തിനും പാപപരിഹാരത്തിനും നല്ലതാണെന്നാണ് ഹൈന്ദവർക്കിടയിലെ വിശ്വാസം. കർക്കിടക കഞ്ഞിയിൽ ഒഴിച്ചു കൂടാനാവാത്ത ദശപുഷ്പങ്ങൾ ഹൈന്ദവരുടെ ഉത്സവദിനമായ ധനുമാസത്തിലെ തിരുവാതിരയിൽ സ്ത്രീകൾ ഉപവാസമനുഷ്ടിച്ച ശേഷം പാതിരാവിൽ കുളിക്കുന്നതിന് മുൻപ് തലയിൽ ചൂടാൻ ഉപയോഗിക്കാറുണ്ട്. തിരുവാതിര വ്രതക്കാലത്ത് ഐശ്വര്യത്തിനും ഭർത്താവിൻ്റെ ആയുരാരോഗ്യസൗഖ്യത്തിനും വേണ്ടിയാണ് സ്ത്രീകൾ ദശപുഷ്പം ചൂടുന്നത്.
കറുക,ചെറൂള എന്നിവ ഹൈന്ദവ ആചാരപ്രകാരം ബലിതർപ്പണ കർമ്മങ്ങൾക്കുപയോഗിക്കുന്നു. സുഖചികിത്സയുടെ കാലമായ കർക്കിടകത്തിൽ ദശപുഷ്പങ്ങളാണ് പ്രധാനമായും ഉപയോഗിക്കുന്നത്.
