Publish Date: Mon, 04 Nov 2024 (15:21 IST)
Updated Date: Mon, 04 Nov 2024 (15:25 IST)
ഇരട്ടചക്രവാതചുഴിയുടെയും ന്യൂനമര്ദ്ദ പാത്തിയുടെയും സ്വാധീനഫലമായി സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത. തിരുവനന്തപുരം,കൊല്ല,പത്തനംതിട്ട, കോഴിക്കോട്,വയനാട്,കണ്ണൂര് ജില്ലകളിലും ഒറ്റപ്പെട്ട സ്ഥലങ്ങളില് ശക്തമായ മഴയാണ് പ്രവചിക്കുന്നത്. ജാഗ്രതയുടെ ഭാഗമായി ഈ ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചു.
തെക്ക് കിഴക്കന് ബംഗാള് ഉള്ക്കടലിന് മുകളിലായും തെക്ക് കിഴക്കന് അറബിക്കടലിലുമായാണ് ചക്രവാതചുഴി സ്ഥിതി ചെയ്യുന്നത്. തെക്ക് കിഴക്കന് ബംഗാള് ഉള്ക്കടലില് നിന്നും തെക്കന് തമിഴ്നാട് വരെ ന്യൂനമര്ദ്ദ പാത്തിയും നിലനില്ക്കുന്നു. ഇതിന്റെയെല്ലാം സ്വാധീനഫലമായി കേരളത്തില് അടുത്ത അഞ്ച് ദിവസം ഇടിമിന്നലോട് കൂടിയ മഴയാണ് കാലാവസ്ഥാ വകുപ്പ് പ്രവചിക്കുന്നത്.
