മാണി ഇടത്തോട്ടെന്ന് വ്യക്തം; കർഷകരെ ഏറ്റവും കൂടുതൽ വഞ്ചിച്ചത് കോൺഗ്രസ് സര്‍ക്കാരുകള്‍ - രൂക്ഷവിമര്‍ശനവുമായി മുഖപത്രം

കർഷകരെ ഏറ്റവും കൂടുതൽ വഞ്ചിച്ചത് കോൺഗ്രസ് സര്‍ക്കാരുകള്‍ - രൂക്ഷവിമര്‍ശനവുമായി മുഖപത്രം

കർഷകരെ ഏറ്റവും കൂടുതൽ വഞ്ചിച്ചത് കോൺഗ്രസാണെന്ന് കേര‍ളാ കോൺഗ്രസ് (എം) ചെയർമാൻ കെഎം മാണി. ഗാഡ്ഗില്‍, കസ്തൂരി രംഗന്‍ റിപ്പോര്‍ട്ടുകള്‍ വന്നത് കോണ്‍ഗ്രസ് കേരളവും കേന്ദ്രവും ഭരിച്ചപ്പോഴാണ്. രാജ്യത്ത് ഏറ്റവും കൂടുതല്‍ കര്‍ഷക ആത്മഹത്യകള്‍ ഉണ്ടായതും യുപിഎയുടെ ഭരണകാലത്താണെന്നും മാണി വ്യക്തമാക്കി.

മലയോര മേഖലയില്‍ പട്ടയ വിതരണത്തെ ചോദ്യം ചെയ്തത് കോണ്‍ഗ്രസ് നേതാക്കളാണ്. ഈ മേഖലകളില്‍ കേരളാ കോണ്‍ഗ്രസിനുള്ള സ്വാധീനത്തിൽ വിറളിപൂണ്ട കോൺഗ്രസ് നേതാക്കൾ പട്ടയവിതരണം തടസപ്പെടുത്തുകപോലും ചെയ്‌തുവെന്നും കേരളാ കോൺഗ്രസ് (എം) മുഖപത്രമായ പ്രതിഛായയില്‍ എഴുതിയ ലേഖനത്തില്‍ മാണി പറയുന്നു.

അതേസമയം, കോൺഗ്രസിനെയും ബിജെപിയേയും വിമർശിച്ച മാണി സിപിഎമ്മിനെതിരെയോ എൽഡിഎഫ് സർക്കാരിനെതിരെയോ കടുത്ത പ്രതികരണങ്ങള്‍ നടത്താന്‍ തയ്യാറായില്ല. എകെജിക്കൊപ്പം സമരത്തില്‍ പങ്കെടുത്ത കാര്യവും ലേഖനത്തില്‍ അദ്ദേഹം അനുസ്മരിച്ചിട്ടുമുണ്ട്.