Select Your Language

Notifications

webdunia
webdunia
webdunia
webdunia

കൊച്ചിയിൽ മദ്യപിച്ച് ലക്കുകെട്ട് യുവതിയുടെ കാറോട്ടം; രണ്ട് യാത്രക്കാരെ ഇടിച്ചുവീഴ്ത്തി; വാഹനങ്ങൾ ഇടിച്ചു തെറിപ്പിച്ചു

ഇടപ്പള്ളി സ്വദേശിയാണ് മദ്യപിച്ച് പരാക്രമം കാണിച്ചത്.

കൊച്ചിയിൽ മദ്യപിച്ച് ലക്കുകെട്ട് യുവതിയുടെ കാറോട്ടം; രണ്ട് യാത്രക്കാരെ ഇടിച്ചുവീഴ്ത്തി; വാഹനങ്ങൾ ഇടിച്ചു തെറിപ്പിച്ചു
, വെള്ളി, 26 ഏപ്രില്‍ 2019 (10:48 IST)
മദ്യലഹരിയിൽ വാഹനം ഓടിച്ച യുവതി രണ്ട് വഴിയാത്രക്കാരെ ഇടിച്ചു വീഴ്ത്തി. കൂടാതെ വിവിധ വാഹനങ്ങളിലും യുവതി കാർ ഇടിപ്പിച്ചു. ഇന്നലെ രാത്രി എട്ടുമണിയോടെ സംസ്ഥാന പാതയിൽ കുഴുപ്പിള്ളി ഭാഗത്തായിരുന്നു സംഭവം. യുവതിയുടെ വണ്ടി ഇടിച്ച് ഓട്ടോ ഡ്രൈവർക്ക് പരിക്കേറ്റു. ഇടപ്പള്ളി സ്വദേശിയാണ് മദ്യപിച്ച് പരാക്രമം കാണിച്ചത്. 
 
പലതവണ മറ്റു വാഹനങ്ങളിൽ ഇടിക്കുകയും ഉരസുകയും ചെയ്തതിനെ തുടർന്ന് നാട്ടുകാർ കാറിനെ പിന്തുടർന്നു. ഇതിനിടെ റോഡരികിലെ കടയിൽ നിന്ന് പുറത്തിറങ്ങിയ എടവനക്കാട് സ്വദേശി യാസിനി മകൻ അക്ബർ എന്നിവരെയും ഇടിച്ചു വീഴ്ത്തി. പരിക്കേറ്റ ഇരുവരും എറണാകുളത്തെ ആശുപത്രിയിൽ ചികിത്സയിലാണ്. കാറിടിച്ചതിനെ തുടർന്ന് നിയന്ത്രണം വിട്ട് റോഡിരികിലെ കടയുടെ ഷട്ടറിലേക്ക് ഓട്ടോ ഓടിച്ച് കയറിയാണ് ഡ്രൈവർക്ക് പരിക്കേറ്റത്.
 
നാട്ടുകാർ പിന്തുടർന്ന് തടഞ്ഞുവെച്ച കാർ പൊലീസ് എത്തി കസ്റ്റഡിയിലെടുക്കുകയായിരുന്നു. തുടർന്ന് നടന്ന പരിശോധനയിലാണ് യുവതി മദ്യപിച്ചിട്ടുണ്ടെന്ന് മനസ്സിലായത്. വിശദമായ പരിശോധനയുടെ അടിസ്ഥാനത്തിൽ നടപടി സ്വീകരിക്കുമെന്ന് ഞാറയ്ക്കൽ എസ്ഐ അറിയിച്ചു. ഒരു സ്ത്രീയും രണ്ട് പുരുഷന്മാരും യുവതിക്കൊപ്പം കാറിലുണ്ടായിരുന്നു. 

Share this Story:

Follow Webdunia malayalam

അടുത്ത ലേഖനം

ചികിത്സ തേടിയെത്തിയ യുവതിയെ ഡോക്ടറും കൂട്ടാളികളും ചേർന്ന് ബലാത്സംഗം ചെയ്ത് കൊലപ്പെടുത്തിയെന്ന് ആരോപണം