Publish Date: Wed, 19 Mar 2025 (13:35 IST)
Updated Date: Wed, 19 Mar 2025 (13:39 IST)
കൊല്ലത്ത് രണ്ടര വയസ്സുള്ള കുഞ്ഞിനെ കഴുത്തറുത്ത് കൊന്നശേഷം മാതാപിതാക്കള് ജീവനൊടുക്കി. കൊല്ലം മയ്യനാട് താന്നിയിലാണ് സംഭവം. 38 കാരനായ അജീഷ്, 36 കാരിയായ ഭാര്യ സുലു എന്നിവരാണ് മരിച്ചത്. മകന് ആദിയെ കട്ടിലില് മരിച്ച നിലയിലും ദമ്പതികളെ തൂങ്ങിമരിച്ച നിലയിലുമാണ് കണ്ടെത്തിയത്. അസുഖവും സാമ്പത്തിക ബാധ്യതയുമാണ് ആത്മഹത്യയ്ക്ക് കാരണമെന്നാണ് പ്രാഥമിക വിലയിരുത്തല്.
അജീഷിന്റെ മാതാപിതാക്കള് വീട്ടിലുണ്ടായിരുന്നപ്പോഴായിരുന്നു കൊലപാതകവും ആത്മഹത്യ നടന്നത്. അതേസമയം മരണത്തിന് പിന്നിലെ കാരണം എന്താണെന്ന് അറിയില്ലെന്ന് നാട്ടുകാര് പറയുന്നു. എല്ലാവരും വളരെ സ്നേഹത്തില് നല്ല രീതിയില് ജീവിച്ച കുടുംബമായിരുന്നു എന്നാണ് ബന്ധുക്കള് പറയുന്നത്.
