കോട്ടയം മെഡിക്കല്‍ കോളേജില്‍ നേഴ്‌സുമാര്‍ വസ്ത്രം മാറുന്ന മുറിയില്‍ ഒളിക്യാമറ വച്ച നേഴ്‌സിങ് ട്രെയിനിയായ യുവാവ് അറസ്റ്റില്‍. മാഞ്ഞൂര്‍ സ്വദേശി അന്‍സണ്‍ ജോസഫ് ആണ് പിടിയിലായത്. കോട്ടയം മെഡിക്കല്‍ കോളേജില്‍ ബിഎസ്സി നേഴ്‌സിങ് പൂര്‍ത്തിയാക്കിയ യുവാവ് ഒരു മാസം മുന്‍പാണ് ഇവിടെ പരിശീലനത്തിനായി എത്തിയത്.
ആന്‍സണ്‍ പോയശേഷം വസ്ത്രം മാറാന്‍ മുറിയില്‍ കയറിയ ജീവനക്കാരിയാണ് ക്യാമറ ഓണ്‍ ആക്കിയ നിലയില്‍ ഫോണ് കണ്ടെത്തിയത്. ഉടനെ അധികൃതരെ വിവരം അറിയിക്കുകയും പോലീസില്‍ പരാതി നല്‍കുകയുമായിരുന്നു. സംഭവത്തില്‍ വിശദമായ അന്വേഷണം നടത്തുമെന്നും കണ്ടെടുത്ത ഫോണ് പരിശോധനയ്ക്കായി അയക്കുമെന്നും പോലീസ് പറഞ്ഞു.
