ചെങ്ങന്നൂരിലും മലപ്പുറത്തും ജോലിക്കിടെ യുവാക്കള്‍ ഷോക്കേറ്റ് മരിച്ചു

ജോലിക്കിടെ യുവാവ് ഷോക്കേറ്റ് മരിച്ചു. ചെറിയനാട് ചെറുവല്ലൂര്‍ സ്വദേശി ഡെനീഷാണ് മരിച്ചത്. വീടിനടുത്ത് ഇലക്ട്രിക് ജോലിയില്‍ ഏര്‍പ്പെട്ടുകൊണ്ടിരിക്കുമ്പോഴാണ് ഡെനീഷിന് ഷോക്കേറ്റത്. ഉടന്‍ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

അതേസമയം, മലപ്പുറത്ത് കിണര്‍ നിര്‍മാണത്തിനിടെ യുവാവ് ഷോക്കേറ്റ് മരിച്ചു. തിരൂര്‍ സ്വദേശിയായ മുസ്തഫ(33) ആണ് മരിച്ചത്. ഇന്ന് വൈകുന്നേരമായിരുന്നു സംഭവം. ഗള്‍ഫിലായിരുന്ന മുസ്തഫ നാട്ടില്‍ കിണര്‍ ജോലിയില്‍ ഏര്‍പ്പെട്ടുവരികയായിരുന്നു. മൃതദേഹം പോസ്റ്റുമാര്‍ട്ടത്തിനായി തിരൂര്‍ ആശുപത്രിയില്‍ മാറ്റി.