ബാണസുര വനത്തിൽ മാവോയിസ്റ്റ്-പൊലീസ് ഏറ്റുമുട്ടൽ, ഒരാൾ കൊല്ലപ്പെട്ടതായി റിപ്പോർട്ട്

വയനാട്: വയനാട് ബാണസുര വനത്തിൽ പൊലിസും മാവോയിസ്റ്റും തമ്മിൽ ഏറ്റുമുട്ടി. പടിഞ്ഞാറെത്തറ മേഖലയിലാണ് ഏറ്റുമുട്ടലുണ്ടായത്. ഒരാൾ കൊല്ലപ്പെട്ടതായാണ് റിപ്പോർട്ടുകൾ. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. ഏറ്റുമുട്ടൽ തുടരുകയാണ്. തണ്ടർബോൾട്ട് സംഘത്തെ മാവോയിസ്റ്റ് സംഘം ആക്രമിയ്ക്കുകയായിരുന്നു എന്ന് പൊലീസിൽനിന്നും ലഭിയ്ക്കുന്ന വിവരം.