സംസ്ഥാനത്ത് സ്കൂളുകളിൽ വിദ്യാർഥികൾ മൊബൈൽ ഫോൺ കൊണ്ടുവരുന്നത് കർശനമായി വിലക്കാൻ വിദ്യാഭ്യാസ വകുപ്പിൻ്റെ തീരുമാനം. മൊബൈൽ ഫോൺ ദുരുപയോഗവും തുടർന്നുള്ള പ്രശ്നങ്ങളും വർധിക്കുന്ന സാഹചര്യത്തിലാണ് തീരുമാനം. ക്ലാസ് സമയത്ത് അധ്യാപകരുടെ ഫോൺ ഉപയോഗത്തിനും കർശനമായ നിയന്ത്രണങ്ങൾ വന്നേക്കാം.
സ്കൂളിൽ അധ്യാപകരുടെയും വിദ്യാർഥികളുടെയും മൊബൈൽ ഉപയോഗത്തിന് നിയന്ത്രണം ഏർപ്പെടുത്തി 2012ലും സർക്കാർ ഉത്തരവിറക്കിയിരുന്നു. കൊവിഡിന് ശേഷം സ്കൂളുകൾ പൂർണ്ണമായ തോതിൽ പ്രവർത്തനമാരംഭിച്ച പശ്ചാത്തലത്തിലാണ് സർക്കാർ സർക്കുലറെന്ന് വിദ്യാഭ്യാസമന്ത്രി പറഞ്ഞു.
