മുല്ലപ്പെരിയാർ ഡാം വെള്ളിയാഴ്‌ച തുറക്കുമെന്ന് തമിഴ്‌നാട്, സംസ്ഥാനം സജ്ജമെന്ന് മന്ത്രി

ജലനിരപ്പ് താഴാത്ത പക്ഷം മുല്ലപ്പെരിയാർ ഡാം വെള്ളിയാഴ്‌ച തുറക്കും. രാവിലെ ഏഴ് മണിക്ക് ഡാം തുറക്കുമെന്നാണ് തമിഴ്‌നാട് സര്‍ക്കാര്‍ കേരളത്തെ അറിയിച്ചിരിക്കുന്നത്.

ഡാം തുറക്കുന്നതിന് കേരളം സജ്ജമാണെന്ന് ജലവിഭവ വകുപ്പ് മന്ത്രി റോഷി അഗസ്റ്റിന്‍  അറിയിച്ചു. ഡാം തുറക്കുന്നതിന് മുന്‍പായുള്ള മുന്നൊരുക്കങ്ങള്‍ കേരളം ഇതിനകം സജ്ജീകരിച്ചതായും മന്ത്രി വ്യക്തമാക്കി. നിലവില്‍ 137.75 അടിയാണ് മുല്ലപ്പെരിയാറിലെ ജലനിരപ്പ്. സെക്കന്‍ഡില്‍ 3800 ഘനയടിയാണ് ഇപ്പോള്‍ ഒഴുകിയെത്തുന്ന ജലം. 2300 ഘനയടി ജലം തമിഴ്‌നാട് കൊണ്ടുപോകുന്നുണ്ടെന്നും മന്ത്രി വ്യക്തമാക്കി.