വായില്‍ തുണി തിരുകി യുവതിയെ ബലാത്സംഗം ചെയ്തു, ആന്തരികാവയവങ്ങള്‍ക്ക് കേടുപാടുകള്‍; പ്രതി തന്നെ യുവതിയെ ആശുപത്രിയിലെത്തിച്ചു
അവരുടെ വസ്ത്രങ്ങള്‍ കീറിയ നിലയിലാണ് കണ്ടെത്തിയത്. ബലാത്സംഗത്തിനിടെ നിലവിളിച്ചപ്പോള്‍
പാലക്കാട്: തെരുവില്‍ അലഞ്ഞുതിരിഞ്ഞു നടന്ന സ്ത്രീയെ മരിച്ച നിലയില്‍ ആശുപത്രിയിലെത്തിച്ച സംഭവത്തില്‍ വഴിത്തിരിവ്. മീനാക്ഷിപുരം പട്ടാഞ്ചേരിയിലെ എസ്. സുബ്ബയ്യനാണ് അവരെ മരിച്ച നിലയില്‍ ആശുപത്രിയിലെത്തിച്ചത്. സുബ്ബയ്യന്‍ തന്നെയാണ് സ്ത്രീയെ ക്രൂരമായി കൊലപ്പെടുത്തിയതെന്ന് പോലീസ് പറഞ്ഞു. അവരുടെ വസ്ത്രങ്ങള്‍ കീറിയ നിലയിലാണ് കണ്ടെത്തിയത്. ബലാത്സംഗത്തിനിടെ നിലവിളിച്ചപ്പോള്‍ അയാള്‍ അവരുടെ വായില്‍ തുണി തിരുകി. അവരുടെ ചുണ്ടുകളിലും കഴുത്തിലും ശരീരത്തിലും മര്‍ദനത്തിന്റെ പാടുകള്‍ കാണപ്പെട്ടു.
പോസ്റ്റ്മോര്‍ട്ടം റിപ്പോര്‍ട്ട് പ്രകാരം സ്തീയുടെ ആന്തരികാവയവങ്ങള്‍ക്ക് കേടുപാടുകള്‍ സംഭവിച്ചിട്ടുണ്ട്. ബലാത്സംഗത്തെ ചെറുക്കാന്‍ ശ്രമിച്ചപ്പോള്‍ ശ്വാസം മുട്ടിച്ചു കൊല്ലുകയായിരുന്നു. ബലാത്സംഗം ചെയ്ത ശേഷം സുബ്ബയ്യ തന്നെ സ്തീയെ പാലക്കാട് ജില്ലാ ആശുപത്രിയിലേക്ക് കൊണ്ടുപോയി. ബുധനാഴ്ച രാത്രിയാണ് മരിച്ച സ്ത്രീയുമായി അയാള്‍ ആശുപത്രിയില്‍ എത്തിയത്.
റോഡരികില്‍ അബോധാവസ്ഥയില്‍ കിടക്കുന്നത് കണ്ടാണ് താന്‍ അവരെ ആശുപത്രിയിലേക്ക് കൊണ്ടുവന്നതെന്നാണ് പ്രതി ഡോക്ടര്‍മാരോട് പറഞ്ഞത്. ശേഷം അയാള്‍ ആശുപത്രിയില്‍ നിന്ന് ഓടിപ്പോകാന്‍ ശ്രമിച്ചു. തുടര്‍ന്ന് സെക്യൂരിറ്റി അയാളെ തടഞ്ഞു നിര്‍ത്തി പോലീസിനെ അറിയിച്ചു.
ആദ്യം അവള്‍ തന്റെ ഭാര്യയാണെന്ന് അയാള്‍ അവരോട് പറഞ്ഞു. പരസ്പരവിരുദ്ധമായി സംസാരിക്കാന്‍ തുടങ്ങിയപ്പോള്‍ കസ്റ്റഡിയിലെടുത്ത് ചോദ്യം ചെയ്തു. സിസിടിവി ദൃശ്യങ്ങളുടെ അടിസ്ഥാനത്തില്‍ ചോദ്യം ചെയ്യലില്‍ പ്രതി കുറ്റം സമ്മതിച്ചു.
സ്ത്രീ അബോധാവസ്ഥയില്‍ കണ്ടെത്തിയതായി പറയപ്പെടുന്ന സ്ഥലത്ത് പോലീസ് വിശദമായ പരിശോധന നടത്തി. പാലക്കാട് ഒലവക്കോടിന് സമീപം താമസിക്കുന്ന ഒരു കുടുംബത്തിലെ അംഗമായിരുന്നു മരിച്ച സ്ത്രീ.
