ഇതൊക്കെ വെറും സില്ലി... ജെസിബിയെ മെരുക്കി പൂഞ്ഞാര്‍ ഹീറോ പിസി ജോര്‍ജ് !
പൂഞ്ഞാര്‍ ആശാന്‍ പിസി ജോര്‍ജ് ഇത്തവണ ഞെട്ടിച്ചത് തോക്കെടുത്തല്ല, ജെസിബിയിലൂടെ; വീഡിയോ വൈറല്‍ !
തോക്കെടുത്തും ബസ് ഓടിച്ചും വാര്‍ത്തകളിലിടം നേടിയ പിസി ജോർജ് ഇത്തവണ ആളുകളെ ഞെട്ടിച്ചത് ജെസിബിയിലൂടെയാണ്. കോട്ടയം കോരുത്തോട് കോസടി ട്രൈബല്‍ സ്കൂളിലായിരുന്നു സംഭവം. കെട്ടിട നിർമ്മാണോദ്ഘാടനത്തിനായാണ് പിസി ജോര്‍ജ് എംഎല്‍എ കോസടി സ്കൂളിലെത്തിയത്.
ഉദ്ഘാടനത്തിന് ശേഷം രണ്ട് വാക്ക് പ്രസംഗിച്ച് പിസി പോകുമെന്നായിരുന്നു കുട്ടികളും അദ്ധ്യാപകരും വിചാരിച്ചിരുന്നത്. എന്നാല്‍ സിബി കണ്ടപ്പോള്‍ പിസി ആ പതിവ് ഉപേക്ഷിച്ചു. സ്കൂള്‍ മുറ്റത്തെ നിർമ്മാണ പ്രവർത്തനങ്ങൾ മണ്ണുമാന്തി നിർവഹിക്കുമെന്ന് പറഞ്ഞ് പിസി ജെസിബിയില്‍ കയറി.
ജെസിബിയിൽ കയറിയിരുന്ന് മണ്ണുമാന്തിയ പിസിയെ കുട്ടികള്‍ കയ്യടിച്ചാണ് പ്രോത്സാഹിപ്പിച്ചത്. ജെസിബിയിലിരുന്ന് കുട്ടികൾക്കൊപ്പം സെൽഫിയെടുക്കാനും അദ്ദേഹം തയ്യാറായി. സംഭവത്തിന്റെ വീഡിയോ സോഷ്യല്‍ മീഡീയയില്‍ വൈറലായിട്ടുണ്ട്. പൂഞ്ഞാർ ആശാൻ പിസി ജോർജ് എന്ന ഫേസ്ബുക്ക് പേജിലാണ് ജെസിബി ഓടിക്കുന്ന ദൃശ്യങ്ങള്‍ പോസ്റ്റ് ചെയ്തിരിക്കുന്നത്.
