കൊല്ലം : പോലീസിനെ ഒളിച്ചു നടന്ന പോക്സോ കേസ് പ്രതി പോലീസ് പിടിയിലായി. തമിഴ്‌നാട് ആർക്കാട്ട് റാണിപ്പേട്ട ജില്ലയിൽ ദർഗാൻ സ്ട്രീറ്റ് നിവാസി പ്രശാന്ത് എന്ന 22 കാരനാണ് പൂയപ്പള്ളി പോലീസിന്റെ പിടിയിലായത്. പീഡനത്തിനിരയായ പെൺകുട്ടിയുടെ പിതാവ് തമിഴ്‌നാട് സ്വദേശിയാണ് എങ്കിലും മാതാവ് പൂയപ്പള്ളി പോലീസ് സ്റ്റേഷൻ പരിധിയിലായിരുന്നു താമസം.
പെൺകുട്ടി മാതാവിന്റെ കുടുംബവീട്ടിൽ താമസിച്ചായിരുന്നു പഠിച്ചുകൊണ്ടിരുന്നത്. പെൺകുട്ടി ഇവിടെയുള്ള വിവരം പ്രശാന്ത് സുഹൃത്തായ സന്തോഷിന്റെ സഹായത്തോടെ ഇവിടെ എത്തുകയും പിനീട് നയത്തിൽ പെൺകുട്ടിയെ കന്യാകുമാറിയിലേക്ക് കൊണ്ടുപോയി പീഡിപ്പിക്കുകയും ആയിരുന്നു. വിവരം അറിഞ്ഞ പെൺകുട്ടിയുടെ മാതാവ് പൂയപ്പളി പോലീസിൽ പരാതി നൽകിയതോടെ പോലീസ് പോക്സോ നിയമപ്രകാരം കേസ് രജിസ്റ്റർ ചെയ്തത് അറിഞ്ഞു ഇയാൾ തമിഴ്‌നാട്ടിലേക്ക് മുങ്ങി. ഏറെ അന്വേഷിച്ചിട്ടും പ്രതിയെ കിട്ടിയില്ല.
ഇതിനിടെ ഇയാൾ പെൺകുട്ടിയെ കാണാനായി എത്തിയത് അറിഞ്ഞു പോലീസ് വീട്ടിലെത്തിയെങ്കിലും പ്രതി കുളത്തൂപ്പുഴയിലേക്ക് കടന്നിരുന്നു. പൂയപ്പള്ളി പോലീസ് നൽകിയ വിവരത്തിന്റെ അടിസ്ഥാനത്തിൽ കുളത്തൂപ്പുഴ പോലീസ് ഇയാളെ കുളത്തൂപ്പുഴ കെ.എസ്.ആർ.ടി.സി ഡിപ്പോയിൽ നിന്ന് സാഹസികമായി പിടികൂടി.
