‘ഇതുപോലുള്ള എല്ലാ രോമങ്ങളേയും പിടിച്ച് അകത്തിടണം’; രാഹുല് ഈശ്വറിന്റെ അറസ്റ്റിനെ സ്വാഗതം ചെയ്ത് വിടി ബല്റാം
‘ഇതുപോലുള്ള എല്ലാ രോമങ്ങളേയും പിടിച്ച് അകത്തിടണം’; രാഹുല് ഈശ്വറിന്റെ അറസ്റ്റിനെ സ്വാഗതം ചെയ്ത് വിടി ബല്റാം
Publish Date: Sun, 28 Oct 2018 (13:48 IST)
Updated Date: Sun, 28 Oct 2018 (13:55 IST)
ശബരിമലയിൽ യുവതീ പ്രവേശനം തടയാന് പദ്ധതികളൊരുക്കിയെന്ന വെളിപ്പെടുത്തലിന്റെ പശ്ചത്തലത്തില് അയ്യപ്പധർമ സേനാ പ്രസിഡന്റ് രാഹുൽ ഈശ്വറിനെ അറസ്റ്റ് ചെയ്ത നടപടിയെ സ്വാഗതം ചെയ്ത് കോണ്ഗ്രസ് എംഎല്എ വിടി ബല്റാം രംഗത്ത്.
രക്തം വീഴ്ത്തിയും മൂത്രമൊഴിച്ചും പരിപാവനമായ സന്നിധാനത്ത് അശുദ്ധി വരുത്താനും കലാപം സൃഷ്ടിക്കാനും ഗൂഡാലോചന നടത്തിയ ആർഎസ്എസ് ക്രിമിനലുകളെ നിലക്കുനിർത്തേണ്ടത് സംസ്ഥാന ഭരണകൂടത്തിന്റെ ഉത്തരവാദിത്തമാണെന്ന് ഫേസ്ബുക്ക് പോസ്റ്റില് ബല്റാം വ്യക്തമാക്കി.
ബല്റാമിന്റെ ഫേസ്ബുക്ക് പോസ്റ്റിന്റെ പൂര്ണ്ണരൂപം:-
രക്തം വീഴ്ത്തിയും മൂത്രമൊഴിച്ചും പരിപാവനമായ സന്നിധാനത്ത് അശുദ്ധി വരുത്താനും കലാപം സൃഷ്ടിക്കാനും ഗൂഡാലോചന നടത്തിയ ആർഎസ്എസ് ക്രിമിനലുകളെ നിലക്കുനിർത്തേണ്ടത് സംസ്ഥാന ഭരണകൂടത്തിന്റെ ഉത്തരവാദിത്തമാണ്.
ആരുടേയെങ്കിലും രോമത്തിൽ തൊടരുത് എന്നതല്ല, ഇതുപോലുള്ള എല്ലാ രോമങ്ങളേയും പിടിച്ച് അകത്തിടണമെന്ന് തന്നെയാണ് യഥാർത്ഥ കോൺഗ്രസുകാരുടെയും യഥാർത്ഥ അയ്യപ്പഭക്തരുടേയും ആവശ്യം. കോൺഗ്രസ് വിശ്വാസികൾക്കൊപ്പമാണ്, കലാപകാരികൾക്കൊപ്പമല്ല.
