മസ്റ്ററിങ് നടത്താത്തവര്‍ക്ക് ഈ മാസം കഴിഞ്ഞാല്‍ പിന്നെ റേഷന്‍ ലഭിക്കില്ല. ഈ മാസം 31നകം മസ്റ്ററിങ് നടത്താത്ത മുന്‍ഗണന കാര്‍ഡ് അംഗങ്ങളെ ഭക്ഷ്യധാന്യവിഹിത യോഗ്യത പട്ടികയില്‍ നിന്നും ഒഴിവാക്കും. ഇക്കാര്യം കേന്ദ്രസര്‍ക്കാര്‍ അറിയിച്ചതായി ഭക്ഷ്യ മന്ത്രി ജി ആര്‍ അനില്‍ നിയമസഭയില്‍ വ്യക്തമാക്കി.
ഇതുവരെ 95.83% മുന്‍ഗണന കാര്‍ഡ് അംഗങ്ങള്‍ മാസ്റ്ററിംഗ് നടത്തിയിട്ടുണ്ട്. റേഷന്‍ കടകളില്‍ മസ്റ്ററിങ്ങിന് സൗകര്യം ഉണ്ട്. കിടപ്പുരോഗികളുടെ മസ്റ്ററിങിന് ഉദ്യോഗസ്ഥര്‍ വീടുകളില്‍ എത്തും. കെവൈസി ആപ്പിലൂടെയും മസ്റ്ററിങ് നടത്താന്‍ സാധിക്കും.
