Publish Date: Wed, 04 Dec 2024 (20:19 IST)
Updated Date: Wed, 04 Dec 2024 (20:28 IST)
ഇന്ന് എവിടെ നോക്കിയാലും തട്ടിപ്പിന്റെ കാലമാണ്. ഓരോ ദിവസവും ഓരോ പുതിയ തട്ടിപ്പ് രീതികളുമായാണ് തട്ടിപ്പുകാരെത്തുന്നത്. അത്തരത്തിലൊരു തട്ടിപ്പാണ് സ്ക്രാച്ച് ആന്ഡ് വിന്കാര്ഡ് തട്ടിപ്പ്. ഇത് പ്രകാരം ഓണ്ലൈന് ഡെലിവറി ചെയ്യുന്ന വ്യക്തി നിങ്ങളെ സമീപിക്കുകയും താന് ആമസോണ്, ഫ്ലിപ്കാര്ട്ട് അല്ലെങ്കില് മറ്റേതെങ്കിലും ഓണ്ലൈന് പ്ലാറ്റ്ഫോമില് നിന്നാണെന്ന് അവകാശപ്പെടുകയും ചെയ്യും.
വിശ്വസ്തരായ ഉപഭോക്താക്കള്ക്ക് നല്കുന്ന ഓഫര് എന്ന് പ്രസ്താവിക്കുന്ന QR കോഡുള്ള ഒരു സ്ക്രാച്ച് കാര്ഡ് അവന് നിങ്ങള്ക്ക് വാഗ്ദാനം ചെയ്യും. അത് സ്ക്രാച്ച് ചെയ്യുന്നതു വഴി നിങ്ങള്ക്ക് ഐഫോണ്, ആപ്പിള് വാച്ച് അല്ലെങ്കില് ഏതെങ്കിലും മുന്നിര സ്മാര്ട്ട്ഫോണ് പോലുള്ള നിരവധി സൗജന്യ ഇലക്ട്രോണിക് ഉപകരണങ്ങള് സമ്മാനമായി ലഭിക്കുമെന്ന് പറഞ്ഞ് അവന് നിങ്ങളെ സ്വാധീനിക്കും. കൂടാതെ, ഒരിക്കല് നിങ്ങള് കാര്ഡ് സ്ക്രാച്ച് ചെയ്താല് 5000 രൂപയോ 10,000 രൂപയോ പോലുള്ള ഒരു വലിയ തുക നിങ്ങള്ക്ക് ലഭിക്കുമെന്നും അദ്ദേഹം നിങ്ങളെ ബോധ്യപ്പെടുത്തും.
ആനുകൂല്യങ്ങള് ക്ലെയിം ചെയ്യാന് ക്യു ആര് കോഡ് സ്കാന് ചെയ്യാന് അയാള് നിങ്ങളോട് ആവശ്യപ്പെടും. നിങ്ങള് ഝഞ കോഡ് സ്കാന് ചെയ്തയുടന്, നിങ്ങളുടെ ഫോണ് ഡാറ്റ, ബാങ്ക് വിശദാംശങ്ങള്, വ്യക്തിഗത ഫോട്ടോകള്, മറ്റ് നിരവധി നിര്ണായക വിവരങ്ങള് എന്നിവ സ്കാമറുമായി പങ്കിടും.
