Publish Date: Sat, 12 Feb 2022 (16:03 IST)
Updated Date: Sat, 12 Feb 2022 (16:11 IST)
മലപ്പുറം: മലപ്പുറത്തെ വള്ളിക്കുന്നിൽ ട്രെയിനിന് മുന്നിൽ ചാടി യുവതി ആത്മഹത്യ ചെയ്ത സംഭവത്തിൽ സ്ത്രീധന പീഡനമെന്ന് പരാതി. ചൊവ്വാഴ്ച ചാലിയം സ്വദേശി ലിജിനെ ട്രെയിനിന് മുന്നിൽ ചാടി മരിച്ചിരുന്നു. സഹോദരിയുടെ മരണം കൊടിയ പീഡനത്തെ തുടർന്നാണെന്ന് സഹോദരി ബിജിന പറയുന്നു.
ഭർത്താവും വീട്ടുകാരും സ്ത്രീധനത്തെ ചൊല്ലി കൊടിയ പീഡനമായിരുന്നു സഹോദരിക്ക് നൽകിയത് എന്നാണു ബിജിന പറയുന്നത്. ഇത് സംബന്ധിച്ച് ഇവർ ലിജിനയെ നിരന്തരം മർദ്ദിക്കുകയും ചെയ്തിരുന്നു.
വിവാഹം കഴിച്ച സമയത്ത് ഭർത്താവ് ഷാലു ഓട്ടോറിക്ഷാ ഡ്രൈവറായിരുന്നു. പിന്നീട് കരിങ്കൽ ബിസിനസിലേക്ക് മാറുകയും സാമ്പത്തികമായി മെച്ചപ്പെടുകയും ചെയ്തു. പിന്നീടാണ് കൂടുതൽ പണം, സ്വർണ്ണാഭരണം എന്നിവ വേണമെന്ന് പീഡിപ്പിക്കാൻ തുടങ്ങിയത് എന്നാണു മരിച്ച ലിജിനായുടെ സഹോദരി ബിജിന പറയുന്നത്. സംഭവത്തെ കുറിച്ച് കൂടുതൽ അന്വേഷണം വേണമെന്ന് എസ്.പി അടക്കമുള്ള ഉന്നത പോലീസ് ഉദ്യോഗസ്ഥർക്കും വനിതാ കമ്മീഷനും പരാതി നൽകിയിട്ടുണ്ട്.
