കോവിഡ് വ്യാപനത്തെ തുടര്ന്ന് കേരളത്തില് ഏര്പ്പെടുത്തിയ ഞായര് നിയന്ത്രണം രണ്ട് ആഴ്ച കൂടി തുടര്ന്നേക്കും. നിലവില് ജനുവരി 23, 30 ദിവസങ്ങളില് മാത്രമാണ് ലോക്ക്ഡൗണിന് സമാനമായ നിയന്ത്രണം ഏര്പ്പെടുത്തിയത്. ഫെബ്രുവരിയിലെ രണ്ട് ഞായറാഴ്ചകളില് കൂടി ഈ നിയന്ത്രണം തുടരാനാണ് സര്ക്കാര് ആലോചിക്കുന്നത്. ഇന്ന് ചേരുന്ന കോവിഡ് അവലോകന യോഗത്തില് ഞായര് നിയന്ത്രണം തുടരുന്നതിനെ കുറിച്ച് തീരുമാനമെടുക്കും.
