ശശി തരൂര്‍ കാലങ്ങളായി ദേശീയതയ്ക്ക് അനുകൂലമായി നില്‍ക്കുന്ന നേതാവാണെന്ന് സുരേഷ് ഗോപി
ശശി തരൂര്‍ കാലങ്ങളായി ദേശീയതയ്ക്ക് അനുകൂലമായി നില്‍ക്കുന്ന നേതാവാണെന്ന് കേന്ദ്രമന്ത്രി സുരേഷ് ഗോപി പറഞ്ഞു. കൂടാതെ കോണ്‍ഗ്രസ് വിടണോ എന്നത് സംബ
ശശി തരൂര്‍ കാലങ്ങളായി ദേശീയതയ്ക്ക് അനുകൂലമായി നില്‍ക്കുന്ന നേതാവാണെന്ന് കേന്ദ്രമന്ത്രി സുരേഷ് ഗോപി പറഞ്ഞു. കൂടാതെ കോണ്‍ഗ്രസ് വിടണോ എന്നത് സംബന്ധിച്ച തീരുമാനമെടുക്കേണ്ടത് ശശിതരൂരാണെന്നും സുരേഷ് ഗോപി പറഞ്ഞു. ജനങ്ങള്‍ കാണാന്‍ ആഗ്രഹിക്കുന്നതാണ് ശശി തരൂരില്‍ കാണുന്നതൊന്നും അദ്ദേഹം പറഞ്ഞു.
തൃശ്ശൂരില്‍ മാധ്യമങ്ങളോട് സംസാരിക്കവെയാണ് സുരേഷ് ഗോപി ഇക്കാര്യം പറഞ്ഞത്. പാര്‍ട്ടി മാറുന്നതൊക്കെ ഓരോരുത്തരുടെ സ്വാതന്ത്ര്യമാണ്. ശശി തരൂര്‍ കോണ്‍ഗ്രസ് വിടുന്നുണ്ടോ എന്നും അദ്ദേഹത്തോട് കോണ്‍ഗ്രസില്‍ നിന്ന് ആരെങ്കിലും കോണ്‍ഗ്രസ് വിട്ടോളൂ എന്ന് പറഞ്ഞിട്ടുണ്ടോ എന്നും അദ്ദേഹത്തോട് തന്നെ ചോദിക്കണമെന്ന് സുരേഷ് ഗോപി പറഞ്ഞു. അതേസമയം ഭാരതാംബ വിവാദത്തിലും സുരേഷ് ഗോപി പ്രതികരിച്ചു.
വലിയ വലിയ പ്രശ്‌നങ്ങളില്‍ നിന്നും വഴിതിരിച്ചുവിടാനാണ് ഇത്തരം ചെറിയ കാര്യങ്ങള്‍ കൊണ്ടുവരുന്നതെന്നും ജനങ്ങളുടെ ജീവിതത്തെ സംബന്ധിച്ച പ്രശ്‌നങ്ങള്‍ മറവിയിലേക്ക് തള്ളിവിടാമെന്നാണ് ഇതിലൂടെ ചിലര്‍ വിചാരിക്കുന്നതെന്ന് സുരേഷ് ഗോപി പറഞ്ഞു.
